शिक्रापूरच्या अविनाश थोरात व रज्जाक शेख यांना पदोन्नती

पुणे जिल्ह्यातील ६३ सहाय्यक फौजदार बनले पोलीस उपनिरीक्षक

शिक्रापूर (शेरखान शेख): पोलीस दलातील पोलिसांच्या सेवा कार्यकाळानुसार पोलिसांना बढती मिळत असताना पुणे जिल्ह्यातील तब्बल त्रेसष्ट सहाय्यक पोलीस उपनिरीक्षकांच्या पोलीस उपनिरीक्षक पदी पदोन्नती झालेली असून शिक्रापूर पोलीस स्टेशन मध्ये कार्यरत असलेले सहाय्यक पोलीस उपनिरीक्षक अविनाश चांगदेव थोरात व रज्जाक अकबर शेख या दोघांची पोलीस उपनिरीक्षकपदी पदोन्नती झाली आहे.

शिक्रापूर (ता. शिरुर) पोलीस स्टेशन येथे कार्यरत असलेले सहाय्यक पोलीस उपनिरीक्षक अविनाश चांगदेव थोरात व रज्जाक अकबर शेख या दोघांनी यापूर्वी पुणे जिह्यातील अनेक पोलीस स्टेशन मध्ये कर्तव्य बजावत वेगवेगळ्या गुन्ह्यांची उकल करण्यासाठी विशेष कामगिरी केली असून नुकतीच त्यांची सहाय्यक पोलीस उपनिरीक्षक या पदावरुन पोलीस उपनिरीक्षक पदावर पदोन्नती झाली असल्याबाबतची ऑर्डर पुणे ग्रामीण पोलीस अधिक्षक अंकित गोयल यांनी जाहीर केली.

पोलीस उपनिरीक्षक पदी पदोन्नती बद्दल शिक्रापूरचे पोलीस निरीक्षक प्रमोद क्षिरसागर, सहाय्यक पोलीस निरीक्षक वैभव पवार, नितीन अतकरे, रणजीत पठारे यांच्या हस्ते नवनिर्वाचित पोलीस उपनिरीक्षक अविनाश थोरात व रज्जाक शेख यांचा सन्मान करण्यात आला असून पदोन्नती बद्दल सर्वांचे पुणे जिल्ह्यातील कौतुक होत आहे.