संतोष आवटे यांना व्यसनमुक्ती व मधुमेहमुक्ती दूत पुरस्कार…

शिक्रापूर (शेरखान शेख): दरेकरवाडी (ता. शिरुर) येथील व्यसनमुक्ती व मधुमेहमुक्ती साठी कार्य करणाऱ्या संतोष आवटे यांनी केलेल्या कार्याची दखल घेत यांना नुकताच राज्यस्तरीय व्यसनमुक्ती व मधुमेहमुक्ती दूत पुरस्कार देऊन गौरविण्यात आले आहे.

दरेकरवाडी (ता. शिरुर) येथील संतोष आवटे यांनी समर्थ सोशल फाउंडेशन या संस्थेच्या माध्यमातून सुरु असलेल्या व्यसनमुक्त व मधुमेहमुक्त भारत या अभियानातून शेकडो नागरिकांना व्यसनमुक्त तसेच मधुमेह मुक्त करुन समाजापुढे आदर्श निर्माण केला आहे. त्यांच्या कार्यामुळे अनेक व्यसनाधीन तरुण व्यसनमुक्त झाले असल्याने त्यांच्या कार्याची दखल घेत त्यांना नुकताच राज्यस्तरीय व्यसनमुक्ती व मधुमेहमुक्ती दूत पुरस्कार देऊन गौरविण्यात आले.

यावेळी समर्थ सोशल फाउंडेशनचे संस्थापक सादिक शेख, शिवशंभू निवासी व्यसनमुक्ती केंद्राचे सागर देसाई, अस्लम शेख, सुहास पाटील, विशाल जाधव, वित्त विभाग मंत्रालयचे सहाय्यक संचालक अतुल आकुर्डे, मोटार निरीक्षक संदीप गडकर, सामाजिक कार्यकर्ते संजय बवले, काकासाहेब भंडारे, नवनाथ चव्हाण यांसह आदी उपस्थित होते. संतोष आवटे यांना राज्यस्तरीय व्यसनमुक्ती व मधुमेहमुक्ती दूत पुरस्कार प्राप्त झाल्याने त्यांचे शिरुर तालुक्यातून कौतुक होत आहे.