शिक्रापूरच्या खेळाडूचे राज्यस्तरीय स्पर्धेत यश

शिक्रापूर (शेरखान शेख): शिक्रापूर (ता. शिरूर) येथील आयडियल स्पोर्ट्स फाउंडेशनच्या खेळाडूंनी जळगाव येथे झालेल्या शालेय राज्यस्तरीय तायक्वांदो स्पर्धेत तिघांनी सहभाग घेत एका खेळाडूने रौप्य पदक मिळवले असल्याची माहिती आयडियल स्पोर्ट्स फाउंडेशनचे ॲड. निखिल गिरमकर यांनी दिली आहे.

शिक्रापूर (ता. शिरुर) येथील आयडियल स्पोर्ट्स फाउंडेशनच्या खेळाडूंनी शालेय तायक्वांदो कराटे स्पर्धेतून विभाग स्तरातून राज्य स्तरापर्यंत मजल मारली होती, यामध्ये अनिकेत संतोष चौगुले, अमन राजू धायत व जितेंद्र रामकिशोर धायत यांनी सहभाग नोंदवला होता. यामध्ये खेळाडूंनी उत्तम खेळ करत अनिकेत संतोष चौगुले याने १४ वर्षे आतील गटात रौप्यपदक पटकावले आहे.

या खेळाडूंना आयडियल स्पोर्ट्स फाउंडेशनचे ॲड. निखिल गिरमकर, स्वप्निल भिसे, संग्राम आजबे, रंजीत झा यांनी मार्गदर्शन केले. तर सर्व यशस्वी खेळाडू व मार्गदर्शकांचे सरपंच रमेश गडदे, बाजार समिती संचालक आबाराजे मांढरे, सेवानिवृत्त सहाय्यक फौजदार दत्तात्रय गिरमकर, पोलीस हवालदार अनिल जगताप, डॉ. सुभाष लेव्हकर, सोमानाथ सायकर, सागर सायकर व वंदना बराटे यांसह आदींनी अभिनंदन केले आहे.