शिक्रापूर (अक्षय टेमगिरे): शिक्रापूर परिसरातील दुकान फोडून दुरुस्तीसाठी ठेवण्यात आलेले सुमारे १ लाख रुपये किमतीचे १० इलेक्ट्रिक मोटार पंप चोरणाऱ्या तीन सराईत आरोपींना शिक्रापूर पोलिसांनी अटक करून चोरीचा संपूर्ण मुद्देमाल जप्त केला आहे. डायल ११२ पथकाची सतर्कता, तांत्रिक विश्लेषण आणि गोपनीय माहितीच्या आधारे ही उल्लेखनीय कारवाई करण्यात आली.
याप्रकरणी रामदास आनंदराव सासवडे यांनी शिक्रापूर पोलीस ठाण्यात फिर्याद दिल्यानंतर भारतीय न्याय संहितेअंतर्गत गुन्हा दाखल करण्यात आला होता. आरोपींनी फिर्यादी यांच्या दुकानाचे शटर उचकटून आत प्रवेश केला आणि दुरुस्तीसाठी ठेवलेले १० इलेक्ट्रिक मोटार पंप चोरी करून नेले होते.तपासादरम्यान मुख्य आरोपी अजय हनुमंत जाधव (वय २५) याने संतोष बालाजी लोहार (वय २४) आणि वैभव अशोक घुमरे (वय २१) यांच्या मदतीने चोरीचा कट रचल्याचे निष्पन्न झाले.
तांत्रिक तपासाद्वारे आरोपी सणसवाडी येथील एल अँड टी फाट्याजवळ असल्याची माहिती मिळाल्यानंतर शिक्रापूर पोलिसांनी तातडीने सापळा रचून तिघांनाही अटक केली. २९ जून रोजी आरोपींना न्यायालयात हजर करण्यात आले असता न्यायालयाने त्यांना चार दिवसांची पोलीस कोठडी सुनावली.पोलीस चौकशीत आरोपींकडून चोरीस गेलेले सर्व १० इलेक्ट्रिक मोटार पंप जप्त करण्यात पोलिसांना यश आले आहे.
ही कारवाई पोलीस अधीक्षक डॉ. संदीप सिंह गिल, अपर पोलीस अधीक्षक शुभम कुमार आणि उपविभागीय पोलीस अधिकारी अमोल मांडवे यांच्या मार्गदर्शनाखाली पोलीस निरीक्षक चंद्रशेखर यादव, सहायक पोलीस निरीक्षक भोसले, पोलीस हवालदार मळेकर, नितीन सुद्रीक तसेच पोलीस शिपाई नागेश वाघमारे, विकास बांगर, संतोष बाबर, ललित चक्रनारायण आणि किरण बडे यांच्या पथकाने ही यशस्वी कारवाई केली.या गुन्ह्याचा पुढील तपास पोलीस निरीक्षक चंद्रशेखर यादव यांच्या मार्गदर्शनाखाली पोलीस हवालदार आर. डी. मळेकर करीत आहेत.
विद्यार्थ्यांच्या सुरक्षेसाठी शिक्रापूर पोलिसांचा पुढाकार; मुख्याध्यापकांसोबत महत्त्वपूर्ण बैठक
शिक्रापूर पोलिसांच्या जाळ्यात दुचाकीचोर; चार चोरीच्या मोटारसायकली जप्त
आठवडे बाजारातील चोऱ्यांवर शिक्रापूर पोलिसांचा वचक; दोन महिला रंगेहात जेरबंद
शिक्रापूर पोलिसांची मोठी कारवाई! पाच सराईत आरोपींना दोन वर्षांसाठी तडीपार
कोरेगाव भीमा : पुणे-अहिल्यानगर महामार्गावरील वाढत्या वाहतूक कोंडीचा गंभीर फटका सणसवाडी, कोरेगाव भीमा आणि रांजणगाव…
काही पारंपरिक पदार्थ ठराविक सणांना किंवा ठराविक पदार्थांसोबत केले जातात. जसे महाराष्ट्रात फार लोकप्रिय असलेला…
शरीराला आपलं काम करण्यासाठी आवश्यक पोषक तत्वांची गरज असते. शरीरातील वेगवेगळ्या अवयवांसोबतच मेंदुला सुद्धा पोषक…
थकवा हा शारीरिक किंवा मानसिक स्वरूपाचा असू शकतो. जर सतत थकवा जाणवत असेल तर त्यामागे…
मुंबई: भाजपा सरकारच्या काळात परीक्षांना पेपरफुटीचे ग्रहण लागले असून सरकार एकही परीक्षा व्यवस्थित घेऊ शकत नाही.…
मुंबई: मुख्यमंत्री वैद्यकीय सहाय्यता निधीतून अवयव प्रत्यारोपणासाठी शेकडो रुग्णांना कोट्यवधी रुपयांची मदत मिळते, ही निश्चितच…