bapu-kale-shatak-movie
शिरूर: न्हावरा (ता. शिरूर) येथे राष्ट्रीय स्वयंसेवक संघाच्या शताब्दी वर्षानिमित्त ग्रामीण भागातील विद्यार्थ्यांमध्ये देशभक्तीची भावना जागृत व्हावी या उद्देशाने “शतक ” या देशभक्तीपर चित्रपटाचे मोफत प्रदर्शन आयोजित करण्यात आले. हा उपक्रम भाजपा पदवीधर आघाडी उत्तर पुणे जिल्हाध्यक्ष राहुल गव्हाणे यांच्या पुढाकारातून तसेच नवनिर्वाचित जिल्हा परिषद सदस्या दिपाली गव्हाणे आणि राहुल गव्हाणे मित्र परिवार यांच्या सहकार्याने पार पडला. निमगाव म्हाळुंगीचे माजी सरपंच बापूसाहेब काळे यांच्या संकल्पनेतून न्हावरा येथील गुंजन थिएटरमध्ये हा कार्यक्रम आयोजित करण्यात आला होता.
शिरूर तालुक्यातील भैरवनाथ उच्च व माध्यमिक विद्यालय (आळेगाव पागा), विद्या विकास मंदिर निमगाव म्हाळुंगी तसेच उरळगाव येथील विद्यालयांमधील एकूण २०५ विद्यार्थ्यांना हा चित्रपट मोफत दाखविण्यात आला. ग्रामीण भागातील गोरगरीब विद्यार्थ्यांना देशभक्तीपर चित्रपट पाहण्याची संधी मिळाल्यामुळे विद्यार्थ्यांमध्ये मोठा उत्साह दिसून आला.
कार्यक्रमाच्या प्रारंभी भारतमातेच्या प्रतिमेचे पूजन करण्यात आले. यावेळी संभाजीआप्पा गवारे (पुणे जिल्हा संघचालक), प्रभाकर मुसळे (संस्थापक संचालक, बाबुराव दौंडकर स्मारक समिती), सूर्यकांत शिर्के, शामराव फुलावरे (ज्येष्ठ स्वयंसेवक), जिल्हा परिषद सदस्या दिपाली गव्हाणे, भाजपा पदवीधर आघाडी उत्तर पुणे जिल्हाध्यक्ष राहुल गव्हाणे, निमगाव म्हाळुंगीचे माजी सरपंच हनुमंत काळे, कौशल्य विकास रोजगार नाविन्यता मंत्रालय आयटीआय आयएमसी संचालक महाराष्ट्र शासनचे विठ्ठलराव वाघ या कार्यक्रमाचे संयोजक तथा निमगाव म्हाळुंगी चे माजी सरपंच बापूसाहेब काळे आदी मान्यवर उपस्थित होते.
यावेळी “भारत माता की जय”, “छत्रपती शिवाजी महाराज की जय”, “संभाजी महाराज की जय”, “वंदे मातरम्”, “जय जवान जय किसान” आणि “जय श्रीराम” अशा घोषणा देण्यात आल्या.
ग्रामीण भागातील विद्यार्थ्यांमध्ये राष्ट्रभक्तीची भावना रुजावी आणि भावी पिढी सुसंस्कारित व देशासाठी कार्य करणारी घडावी हा या उपक्रमामागील मुख्य उद्देश असल्याचे मत राष्ट्रीय स्वयंसेवक संघांचे पुणे विभाग संघचालक संभाजीआप्पा गवारे यांनी व्यक्त केले. देशभक्तीच्या मूल्यांवर आधारित अशा उपक्रमांचे आयोजन भविष्यातही सुरू ठेवणार असल्याचे भाजपा पदवीधर आघाडी उत्तर पुणे जिल्हाध्यक्ष राहुल गव्हाणे त्यांनी यावेळी सांगितले.
कार्यक्रम यशस्वी करण्यासाठी गुंजन थिएटर चे मालक शहाजी पवार, शरद रासकर, प्रशांत रासकर, सागर जांबळकर, दत्ता बळीनवर, दत्ता जांबळकर, चंद्रशेखर काळे, विजय बेनके, बाबासाहेब दौंडकर, साईनाथ राऊत, सागर कुसाळकर, प्रशांत कुसाळकर, कुणाल काळे, स्वयंम काळे यांनी विशेष परिश्रम घेतले. कार्यक्रमाचे सूत्रसंचालनकौशल्य विकास रोजगार नाविन्यता मंत्रालय आयटीआय आयएमसी संचालक महाराष्ट्र शासनचे विठ्ठल वाघ यांनी केले तर आभार या कार्यक्रमाचे संयोजक तथा मा. सरपंच बापूसाहेब काळे यांनी मानले.
निमगाव म्हाळुंगीचे सरपंच बापूसाहेब काळे यांना सह्याद्रीरत्न पुरस्कार प्रदान!
निमगाव म्हाळुंगीच्या सरपंचांचे मोठं मन; ग्रामस्थांच्या हस्ते उद्घाटन…
निमगाव म्हाळुंगीच्या सरपंचांनी गावातील युवक-युवतींना घडवले मोफत रायगड दर्शन!
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…