lande-sambare-marriage
शिरूर (तेजस फडके): शिरूर तालुक्यातील वधू-वराने अमेरिकेतील डलास शहरात पारंपरिक हिंदू वैदिक पद्धतीने विवाह केला आहे. विवाहप्रसंगी नवदांपत्याने महाराष्ट्रीयन परंपरेनुसार वेशभूषा परिधान केली होती. संगीत, संस्कार आणि नात्यांचा संगम अनुभवताना अमेरिकेच्या भूमीत मराठमोळा उत्सव साजरा झाला. नवदांपत्याला विविध ठिकाणांहून शुभेच्छा दिल्या जात आहेत.
चि. सौ. का. ऐश्वर्या विजय लांडे (एम.एस. इन आर्किटेक्चर, रा. रांजणगाव गणपती, ता. शिरूर) आणि श्री. विशाल राजाराम सांबरे (एम.एस. इन पॉलिमर इंजिनिअरिंग, रा. निमगाव भोगी, ता. शिरूर) असे विवाहबद्ध झालेल्या दोघांची नावे आहेत. या मंगलप्रसंगी विवाहपूर्व व विवाहाचे सर्व विधी अत्यंत साग्रसंगीत व आनंदमय वातावरणात पार पडले. २० एप्रिल २०२५ रोजी विवाह सोहळ्याची सुरुवात सीमंत पूजन या विधीने झाली. यानंतर २१ एप्रिल २०२५ रोजी सकाळी १० वाजता पारंपरिक मराठमोळ्या पद्धतीने साखरपुडा सोहळा पार पडला. त्यानंतर पाश्चात्त्य संस्कृतीनुसार रिंग सेरेमनी (Ring Ceremony) उत्साहात संपन्न झाली. या कार्यक्रमानंतर उपस्थित पाहुण्यांनी महाराष्ट्रीयन पद्धतीच्या भोजनाचा आस्वाद घेतला.
हळदीचा सोहळा दुपारी २ वाजता पारंपरिक मराठी पद्धतीने साजरा करण्यात आला. सर्व वधूपक्ष व वरपक्षातील महिला-भगिनींनी पारंपरिक वाद्यांच्या गजरात हळद लावण्याच्या कार्यक्रमात मोठ्या उत्साहात सहभाग घेतला. सायंकाळी ५.३० वाजता वरराजाची भव्य मिरवणूक (परण्या) काढण्यात आला. यानंतर सायंकाळी ७ वाजता वेदमंत्रांच्या पठणात व मंगलाष्टकांच्या जयघोषात विवाह विधी पार पडला. भव्य अशा आतषबाजीत विवाहसोहळा अधिकच देखणा झाला. यानंतर होम-हवन, सप्तपदी व कन्यादान यांसारखे सर्व धार्मिक विधी नितांत श्रद्धेने व शिस्तबद्धतेने पार पाडण्यात आले.
विवाहप्रसंगी नवदांपत्याने महाराष्ट्रीयन परंपरेनुसार वेशभूषा परिधान केली होती. संगीत, संस्कार आणि नात्यांचा संगम अनुभवताना अमेरिकेच्या भूमीत मराठमोळा उत्सव साजरा झाला. कुटुंबीय, नातेवाईक, मित्रपरिवार तसेच अमेरिकास्थित भारतीय व स्थानिक नागरिकांनी या आनंदोत्सवात उपस्थित राहून नवविवाहित दांपत्यास मन:पूर्वक शुभेच्छा व आशीर्वाद दिले.
विवाहानंतरच्या दुसऱ्या दिवशी, दिनांक २२ एप्रिल रोजी सात्यानारायण पूजन व महाप्रसाद यांचे आयोजन करण्यात आले. संपूर्ण वातावरणात भक्तिभाव, समाधान आणि उत्साह यांचा सुंदर मिलाफ दिसून आला. या सोहळ्याच्या माध्यमातून भारतीय संस्कृतीचा गौरव पुन्हा एकदा अमेरिकेच्या भूमीत अनुभवता आला असून, मराठमोळ्या परंपरेचा अभिमानही जागविण्यात आला आहे.
शिरूरमध्ये खोटं लग्न करणारी लुटेरी दुल्हनसह टोळी जेरबंद…
लग्न ठरवताना दोघांचा ब्लड ग्रुप एकच असेल तर लग्न करावे की नाही
शिरुर तालुक्यात लग्नाच्या मध्यरात्रीच दागिन्यांसह नवरीने ठोकली धूम…
शिरूर (अरुणकुमार मोटे): शिरूर तालुक्यातील संविदणे गावात भरदिवसा झालेल्या धाडसी घरफोडीने परिसरात भीतीचे वातावरण निर्माण…
शिरूर (अरुणकुमार मोटे) : भारतात सायबर गुन्हेगारीने धोकादायक स्वरूप धारण केले असून, ऑनलाइन फसवणुकीतून उकळलेली…
शिरूर (अरुणकुमार मोटे) : शिरूर तालुक्याच्या पूर्व भागातील पिंपळसुटी येथे बुधवारी पहाटे घडलेल्या हृदयद्रावक घटनेने…
नीट पेपरफुटी, विद्यार्थ्यांवरील लाठीहल्ला आणि मुख्यमंत्र्यांच्या वक्तव्यावर काँग्रेसचा जोरदार पलटवार मुंबई: नीट प्रश्नपत्रिका फुटीच्या प्रकरणावरून…
ग्रामीण, आदिवासी व दुर्गम भागातील महाविद्यालयांना आर्थिक पाठबळ, शुल्कवाढ, मान्यता व कर्मचारी धोरणासह विविध मागण्यांवर…
शिरुर (तेजस फडके): शिरुर पोलिस ठाण्याच्या हद्दीत वाढत्या गुन्हेगारीमुळे पोलिसांच्या कार्यक्षमतेवर सातत्याने प्रश्नचिन्ह उपस्थित होत…