निमगाव म्हाळुंगी येथील विद्यालयाच्या माजी विद्यार्थी स्नेह मेळावा उत्साहात…

शिक्रापूरः विद्या विकास मंदिर निमगाव म्हाळुंगी या विद्यालयामध्ये इयत्ता १०वीच्या सन २००१-०२ या बॅचचा माजी विद्यार्थी स्नेह मेळावा रविवारी (ता. १६) आयोजित करण्यात आला होता. यावेळी शिक्षकांसह माजी विद्यार्थी मोठ्या संख्येने उपस्थित होते.

या स्नेह मेळाव्यास विद्यालयाचे माजी प्राचार्य बाजीराव पडवळ सर, बाजीराव पुंडे सर, पवार डी. ए.सर, अर्जुन चव्हाण सर, विष्णू मुंजाळे सर अभिनव विद्यालय सरदवाडी चे मुख्याध्यापक अरुण गोरडे सर, विद्या विकास मंदिर निमगाव म्हाळुंगीचे प्राचार्य संजीव मांढरे सर तसेच रमेश जाधव सर हे सर्व उपस्थित होते.

स्नेह मेळाव्यात विद्यालयातील 65 माजी विद्यार्थी विद्यार्थिनी हजर होते. या मेळाव्यामध्ये सुरेखा दौंडकर, स्वप्निल खेडे, सुभाष वडघुले, चंद्रकांत इंगळे, बापू दौंडकर , अश्विनी पडवळ या विद्यार्थ्यांनी आपले मनोगतादरम्यान शाळेविषयी आपल्या मनातील आदर भावना व्यक्त केल्या. या स्नेह मेळाव्यात उपस्थित सर्व गुरुजनांनी आपले अनमोल असे विचार व्यक्त करून आपले मनोगत व्यक्त केले. या स्नेह मेळाव्याचे सुत्रसंचालन दत्ता लांडगे, रूपाली वडघुले यांनी केले. प्रस्ताविक व आभार प्रदर्शन चंद्रकांत इंगळे यांनी केले. स्नेह मेळाव्याचे आयोजन शिल्पा करपे, सुभाष वडघुले, सर्व मित्र-मैत्रिणींनी केले होते.

दरम्यान, स्नेह मेळाव्याच्या शेवटी आपल्या सर्व मित्र-मैत्रिणींसाठी स्वप्निल खेडे यांनी स्नेहभोजनाचे आयोजन केले होते. माजी विद्यार्थ्यांकडून आपण ज्या शाळेमध्ये शिकलो त्या शाळेचे आपण काहीतरी देणे लागतो या भावनेतून विद्यालयास रुपये ३०००० किमतीचे दोन लॅपटॉप देण्याचे ठरले आहे.