aamdabad-tree
शिरूर (नितीन थोरात) : वाढदिवस साजरा करण्याच्या पारंपरिक पद्धतींपेक्षा समाजोपयोगी आणि पर्यावरण संवर्धनाला चालना देणारा उपक्रम राबवत आमदाबाद येथील युवा वकील अॅड. ऋतिक भास्कर थोरात यांनी आपल्या 27व्या वाढदिवसानिमित्त गावात 27 वृक्षांची लागवड केली. त्यांच्या या स्तुत्य उपक्रमाचे गावकऱ्यांसह उपस्थित मान्यवरांनी कौतुक केले.
आमदाबाद गावातील मुख्य रस्त्यालगत विविध प्रकारच्या वृक्षांची लागवड करण्यात आली. पर्यावरण संवर्धनाचा संदेश देणाऱ्या या उपक्रमात अॅड. ऋतिक थोरात यांच्या सहकाऱ्यांनीही उत्स्फूर्त सहभाग नोंदवला. वृक्षारोपणासोबतच या वृक्षांचे संगोपन आणि संवर्धन करण्याचा निर्धारही उपस्थितांनी व्यक्त केला. यावेळी गावातील तरुणांनी एक महत्त्वाचा संकल्प केला. प्रत्येकाने आपल्या वाढदिवसाच्या दिवशी किमान एक तरी झाड लावण्याचा निर्धार व्यक्त केला. या उपक्रमामुळे भविष्यात गावातील परिसर अधिक हिरवागार होण्यास मदत होईल तसेच पर्यावरण संतुलन राखण्यासाठी युवकांचा सहभाग वाढेल, अशी भावना उपस्थितांनी व्यक्त केली.
अॅड. ऋतिक थोरात यांनी यावेळी बोलताना, “वाढदिवस हा केवळ आनंद साजरा करण्याचा दिवस नसून समाजासाठी काहीतरी सकारात्मक करण्याची संधी आहे. झाडे ही भविष्यातील पिढ्यांसाठी अमूल्य ठेवा असून पर्यावरण रक्षणासाठी प्रत्येकाने वृक्षारोपण व वृक्षसंवर्धनाची जबाबदारी स्वीकारली पाहिजे,” असे मत व्यक्त केले.
या वृक्षारोपण कार्यक्रमास गावातील माजी सरपंच बबनराव भिमाजी थोरात, माजी सरपंच योगेश थोरात, युवा कार्यकर्ते मंगेश थोरात, दीपक थोरात, सुदर्शन थोरात, प्रफुल्ल सोनवणे, धैर्यशील थोरात, सत्यशील थोरात, अॅड. सौरभ वाव्हळ, लक्ष्मणजी पवार तसेच शेतीनिष्ठ शेतकरी पुरस्कार प्राप्त शेतकरी नितीन थोरात यांची प्रमुख उपस्थिती होती.
गावातील युवकांनी पुढाकार घेत पर्यावरण संवर्धनाचा संदेश देणारा हा उपक्रम राबवल्याने परिसरात सकारात्मक वातावरण निर्माण झाले असून, भविष्यात अशा सामाजिक आणि पर्यावरणपूरक उपक्रमांमध्ये अधिकाधिक नागरिकांनी सहभागी व्हावे, अशी अपेक्षा व्यक्त करण्यात आली.
Video: वाघाळे येथे ग्रामस्थांचा वाढदिवस सामूहिकरित्या साजरा…
सागरआप्पा दंडवते यांचा अनोखा वाढदिवस साजरा : १५,००० वह्यांचे वाटप व गुणवंतांचा गौरव
शिरुरच्या सामाजिक कार्यकर्त्या राणी कर्डिले यांच्या वाढदिवसानिमित्त माहेरच्या करुणालय शाखेत अन्नदान
वाढदिवसाचा अनावश्यक खर्च टाळून शिंगाडवाडी शाळेस पुस्तके भेट!
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…