ट्रॅक्टर व काकरीपाळी यंत्र असा एकूण २,००,०००/- रू. किमतीचा मुद्देमाल केला हस्तगत
शिरुर (अरूणकुमार मोटे): शिरूर पोलिस स्टेशनमध्ये गु.र.नं. १४६/२०२५ भा.न्या.सं. ३०३(२) प्रमाणे (दि. १) मार्च रोजी गुन्हा ट्रक्टर चोरीचा गुन्हा दाखल असून सदर गुन्हयातील फिर्यादी निलेश प्रकाश कोरेकर (वय ४०) रा. न्हावरे ता. शिरूर यांनी त्यांचे घरासमोरील ट्रॅक्टर व काकरी पाळी यंत्र कोणीतरी अज्ञात चोरटयाने चोरून नेले असल्याची फिर्याद शिरूर पोलीस स्टेशनला दिलेली होती.
सदर गुन्हयाचा तपास स्थानिक गुन्हे शाखेच्या वतीने समांतर रित्या सुरू करण्यात आला होता, तपासा दरम्यान सीसीटीव्ही फुटेज तपासण्यात आले, चोरटयांनी ट्रॅक्टर चोरी करून न्हावरा रोडने करडे, रांजणगाव, निमगाव म्हाळुंगी मार्गे पुन्हा न्हावरा-शिक्रापूर रोडला ट्रॅक्टर आल्याचे आढळून आले. पुढे सीसीटीव्हीचा अभाव असल्याने ट्रॅक्टरचा माग काढण्यास पथकाला अडचणी येवू लागल्या, तांत्रिक विश्लेषणाचा आधार व गोपनीय बातमीदाराकडून बातमी मिळवून सदरचा गुन्हा हा इसम नामे समीर बापू कुंजीर रा. टाकळी भिमा ता. दौंड, जि पुणे याने त्याच्या साथीदारासह केला असून त्यांच्याजवळ न्यू हॉलंड कंपनीचा निळया रंगाचा ट्रॅक्टर आहे अशी बातमी तपास पथकाला मिळाली. त्या आधारे संशयिताचा शोध घेत असताना स्था.गु.शा.चे पथकाने (दि. १७) मार्च रोजी आरोपी नामे १) समीर बापू कुंजीर (वय २१) २) निखील दत्तात्रय ठाकर (वय 22) दोघे रा. टाकळी भिमा, ता. दौंड जि पुणे यांना बाबुराव नगर, शिरूर येथून ट्रॅक्टर सह ताब्यात घेतले. त्यांचेकडून गुन्हयात चोरी गेलेला न्यू हॉलंड कंपनीचा निळ्या रंगाचा ट्रॅक्टर व काकरी पाळीचे यंत्र असा एकूण २,००,०००/- किमतीचा मुद्देमाल हस्तगत करण्यात आलेला आहे.
आरोपींना ट्रॅक्टर व काकरी पाळी यंत्रासह शिरूर पोलीस स्टेशनचे ताब्यात देण्यात आलेले असून त्यांना मा. न्यायालयासमक्ष हजर केले असता, मा. न्यायालयाने आरोपीना न्यायालयीन कस्टडी रिमांड मंजूर केली आहे. सदरची कामगिरी पोलीस अधीक्षक पंकज देशमुख, अपर पोलीस अधीक्षक रमेश चोपडे, उपविभागीय पोलीस अधिकारी प्रशांत ढोले यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, पोलीस अंमलदार तुषार पंदारे, जनार्दन शेळके, संजू जाधव, राजु मोमीण, सागर धुमाळ यांनी केली असून पुढील तपास शिरूर पोलीस स्टेशन करत आहे.
न्हावरे (अक्षय टेमगिरे) शिरुर तालुक्यातील आंबळे येथे विवाहित महिलेचा शारीरिक व मानसिक छळ केल्याप्रकरणी पतीसह…
शिरूर (तेजस फडके) : शिरुर तालुक्यात अवैध धंद्यांविरोधात पोलिसांनी दोन स्वतंत्र कारवाया करत गावठी हातभट्टीची…
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…