शिरूर (अरुणकुमारमोटे): शिरूर तालुक्यातील सणसवाडी पाठोपाठ कवठे येमाई परिसरात शुक्रवारी (ता.९) दुपारनंतर दोन रानगवे दिसल्याने मोठी खळबळ उडाली आहे . मुंजाळवाडी येथील अष्टविनायक महामार्गालगत असलेल्या एका शेतात हे गवे फिरताना नागरिकांनी पाहिले. अनेकांनी आपल्या मोबाईलमध्ये या गव्यांचे चित्रीकरण देखील केले आहे.
या घटनेनंतर कवठे येमाई चे माजी उपसरपंच विठ्ठल मुंजाळ यांनी तात्काळ वनविभागाशी संपर्क साधून माहिती दिली. त्यानंतर वनरक्षक नारायण राठोड आणि वनमजूर हनुमंत कारकुड यांनी घटनास्थळी भेट देऊन परिस्थितीची पाहणी केली.
तदनंतर पुन्हा शनिवारी (ता.१०) गव्यांचे येडेबो-हाडे वस्ती परिसरातही दर्शन झाल्याने स्थानिकांमध्ये भीतीचे वातावरण पसरले आहे. वनविभागाने शेतकऱ्यांना आणि स्थानिक नागरिकांना सतर्क राहण्याचे आवाहन केले आहे.
नागरिकांनी सतर्क राहून शेतात काम करावे. रानगवे आढळल्यास घाबरून जाऊ नये, तसेच त्यांच्याकडे जाण्याचा अथवा त्यांना डिवचण्याचा प्रयत्न करू नये. अशा प्रसंगी त्वरित वनविभागाशी संपर्क साधावा, जेणेकरून योग्य त्या उपाययोजना वेळेवर करता येतील.
निळकंठ गव्हाणे
वनपरिक्षेत्र अधिकारी, शिरूर
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…
शिरूर (तेजस फडके) : शिरुर तालुक्यात दुष्काळाच्या झळांनी शेतकरी होरपळत असताना घोड धरणातील पाणीसाठा टिकविण्याच्या…
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…