शिरुर शहरात पायी चालणाऱ्या महिलेच्या गळ्यातील सोन्याचा ऐवज चोरांनी हिसकावला

शिरुर (तेजस फडके): शिरुर शहरात सोनंसाखळी चोरीचे प्रकार दिवसेंदिवस वाढत असुन वर्दळीच्या ठिकाणी गर्दीचा फायदा घेऊन पायी चालतअसणाऱ्या किंवा दुचाकीवरुन प्रवास करणाऱ्या मुली व महिलांच्या गळ्यातील सोनंसाखळी करण्याचे प्रकार सध्या शिरुर शहरात वाढत चालले आहेत. (दि २६) जानेवारी २०२४ रोजी मैत्रिणीसोबत पायी चाललेल्या एका महिलेचे मिनी मंगळसुत्र दुचाकीवरुन आलेल्या दोन अनोळखी व्यक्तींनी जबरदस्तीने ओढुन चोरुन नेले आहे. याबाबत शितल विशाल झनकर (वय २७) या महिलेने शिरुर पोलिस स्टेशन येथे तक्रार दिली आहे.

याबाबत शिरुर पोलिसांनी दिलेल्या माहितीनुसार (दि २६) जानेवारी २०२५ रोजी रात्री ९:३० च्या सुमारास शिरुर शहरातील जोशीवाडीच्या हद्दीत हनुमान मंदिर ते जुना महामार्गावर असलेल्या गणेश दुध डेअरीच्या समोरुन फिर्यादी तिच्या दोन मैत्रीणीसोबत पायी जात असताना दुचाकीवरुन दोन इसम आले. दुचाकीवर पाठीमागे बसलेल्या इसमाने गळयातील मिनी मंगळसुत्र जबरदस्तीने ओढुन चोरी करुन नेले आहे. त्यामुळे दोन अनोळखी व्यक्ती विरोधात शिरुर पोलिस स्टेशनमध्ये गुन्हा दाखल करण्यात आला आहे. या घटनेचा पुढील अधिक तपास पोलिस निरीक्षक संदेश केंजळे यांच्या मार्गदर्शनाखाली पोलिस उपनिरीक्षक शुभम चव्हाण करत आहेत.