सणसवाडीच्या त्या कंपनीतील साहित्य चोरणाऱ्या दोघांवर गुन्हे दाखल…

शिक्रापूर (शेरखान शेख): सणसवाडी (ता. शिरुर) येथील प्राज इंडस्ट्रीज लिमिटेड कंपनी मधून कंपनीच्या दोघा कामगारांनी कंपनीच्या शॉप मधील साहित्याची चोरी केल्याची घटना घडली असल्याने शिक्रापूर पोलीस स्टेशन येथे प्रमोद विष्णू कांबळे व भरत बबन वाळूंज या दोघांवर गुन्हे दाखल करण्यात आले आहे.

सणसवाडी (ता. शिरुर) येथील प्राज इंडस्ट्रीज लिमिटेड कंपनी मध्ये काही कामगार काम करत असताना त्यांना कंपनीच्या शॉप मधील काही साहित्य जागेवर नसल्याचे दिसून आले त्यामुळे त्यांनी कंपनी व्यवस्थापकांना माहिती दिली असता त्यांनी कंपनीतील CCTV तपासले असता त्यामध्ये कंपनी मधील प्रमोद कांबळे व भरत वाळूंज या दोघांनी सदर साहित्य चोरून नेल्याचे निदर्शनास आले.

याबाबत शिवाजी कडूबा धसाळ (वय ३७) रा. जे. डी. शुभारंभ सोसायटी वाघोली ता. हवेली जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी प्रमोद विष्णू कांबळे रा. गणेशनगर कोरेगाव भीमा (ता. शिरुर) जि. पुणे व भरत बबन वाळूंज रा. वाळद ता. खेड जि. पुणे या दोघांवर गुन्हे दाखल केले असून सदर गुन्ह्याचा पुढील तपास पोलिस निरीक्षक प्रमोद क्षिरसागर यांच्या यांच्या मार्गदर्शनाखाली सहाय्यक पोलीस उपनिरीक्षक जितेंद्र पानसरे हे करत आहे.