नवी दिल्ली: कालकाजी पोलीस स्टेशन परिसरातुन धक्कादायक घटना समोर आली आहे. एका व्यक्तीने रागाच्या भरात आपल्या दोन वर्षांच्या मुलाला तिसऱ्या मजल्यावरुन खाली फेकले. त्यानंतर आरोपीने स्वतःही तिसऱ्या मजल्यावरुन खाली उडी मारली.
दोघांना होली फॅमिली हॉस्पिटलमध्ये दाखल करण्यात आले, जिथे त्यांची प्रकृती चिंताजनक असताना त्यांना एम्स ट्रॉमा सेंटरमध्ये पाठवण्यात आले. आरोपीची पत्नी त्याच्यासोबत सासरच्या घरी जात नव्हती. त्यामुळे संतप्त झालेल्या आरोपीने हा प्रकार केला. कालकाजी पोलीस ठाण्याने गुन्हा दाखल करुन तपास सुरु केला.
दक्षिण पूर्व जिल्हा पोलिस अधिकाऱ्यांनी दिलेल्या माहितीनुसार, कालकाजीच्या सर्वोदय कॅम्पमध्ये शुक्रवारी रात्री बाराच्या सुमारास ही घटना घडली. ओखला येथे राहणाऱ्या मानसिंगचे काही वर्षांपूर्वी सर्वोदय कॅम्पमध्ये राहणाऱ्या नगीना यांच्या मुलाची मुलगी पूजासोबत लग्न झाले होते.
आरोपी पती मानसिंगला दारु पिण्याचे व्यसन असून तो कोणताही व्यवसाय करत नाही. त्यामुळे त्याचे पत्नी पूजासोबत जमत नव्हते. पूजा बहुधा तिच्या माहेरच्या घरी राहायची. शुक्रवारी रात्री आरोपी मानसिंग दारूच्या नशेत सासरच्या घरी पोहोचला. त्याने पूजाला घरी जायला सांगितले.
पूजाने घरी जाण्यास नकार दिल्याने आरोपीने तिचा मुलगा आदित्य याला तिसऱ्या मजल्यावर नेले आणि खाली फेकले. यानंतर आरोपीने स्वतःही जमिनीवर खाली उडी मारली. आदित्य आणि मान सिंह यांची प्रकृती चिंताजनक आहे.
दोघांना एम्सच्या ट्रॉमा सेंटरच्या आयसीयूमध्ये दाखल करण्यात आले आहे. पोलीस अधिकाऱ्यांनी दिलेल्या माहितीनुसार, मानसिंगला खूप दुखापत झाली असून मुलाची प्रकृती गंभीर आहे.
रांजणगाव गणपती (तेजस फडके) : शिरूर तालुक्यात मित्राला केलेल्या शिवीगाळचा जाब विचारायला गेलेल्या युवकाला अज्ञात…
लोणीकंदः लोणीकंद (ता. हवेली) येथे थेऊर फाटा वळणाला कोरेगाव भीमा कडे येणाऱ्या बाजूला व रस्त्याच्या…
पाबळ : शिरूर तालुक्यातील पाबळ येथे मामाच्या गावाला सु्ट्टीसाठी आलेल्या दोन सख्ख्या भावांचा शेततळ्यात बुडून…
शिरुर (तेजस फडके) श्रीगोंदा तालुक्यातील पिंपळगाव पिसा गावात रेणुकामाता यात्रेनिमित्त दि 25 मे 2024 रोजी…
रांजणगाव गणपती (तेजस फडके) सध्या फास्ट फूड खाण्याच प्रमाण वाढलं असुन पुणे-नगर महामार्गाच्या येथे रस्त्याच्या…
शिक्रापूर : शिक्रापूर-चाकण रस्त्यावर गॅस कंटेनरचा स्फोट होऊन भीषण आग लागल्याची घटना आज (रविवार) पहाटे…