रांजणगाव गणपती: ढोकसांगवी (ता. शिरुर) येथील अल्पवयीन मुलगी तिच्या कुटुंबियांसह रात्रीच्या सुमारास घराच्या बाहेर झोपली असताना रात्री दोन वाजण्याच्या सुमारास गावातील विजय पाचंगे मुलीजवळ गेला आणि त्याने तिचा विनयभंग केल्याची धक्कादायक घटना घडली आहे. याप्रकरणी रांजणगाव पोलिसांत गुन्हा दाखल करण्यात आला.
शिरूर तालुक्यातील ढोकसांगवी येथील अल्पवयीन मुलगी झोपली असताना आरोपी विजय पाचंगे हा मुलीच्या घरासमोर आला. त्याने मुलीच्या अंगावरील गोधडी ओढून विनयभंग केला. यावेळी अल्पवयीन मुलीने आरडाओरडा केली असता तिचे कुटुंबीय झोपतून जागे झाले. त्याचवेळी विजय हा तेथून पळून गेला.
घडलेल्या प्रकाराबाबत पीडित अल्पवयीन मुलीच्या आईने रांजणगाव एमआयडीसी पोलीस स्टेशन येथे फिर्याद दिली आहे. पोलिसांनी विजय बाळासाहेब पाचंगे (रा. ढोकसांगवी ता. शिरुर जि. पुणे) याच्याविरुद्ध गुन्हा दाखल केला. याप्रकरणाचा पुढील तपास पोलीस निरीक्षक महेश ढवाण यांच्या मार्गदर्शनाखाली महिला पोलीस उपनिरीक्षक सुजाता काळे करत आहे.
निमगाव म्हाळुंगीमधील शेतकऱयांना मंत्रालयात मोठे संबंध असल्याचे सांगून धमकी…
शिरुर तालुक्यात जुन्या भांडणाच्या रागापायी एका महिलेने दुसऱ्या महिलेवर केला ऍसिड हल्ला…
शिरूर तालुक्यात गावठी पिस्टल बाळगून खुन, अपहरण, खंडणी वसूल करणारी टोळी जेरबंद…
