शिरुर: पुणे जिल्ह्यात होणाऱ्या आगामी स्थानिक स्वराज्य संस्था तसेच इतर निवडणुकांच्या अनुषंगाने पुणे जिल्हयामध्ये गुन्हेगारीत वाढ होण्याची शक्यता असल्याने पुणे ग्रामीणचे पोलीस अधीक्षक डॉ अभिनव देशमुख यांनी पोलीस स्टेशन कार्यक्षेत्रात बेकायदा बिगर परवाना अग्निशस्त्र बाळगणा-या गुन्हेगारांवर भारतीय हत्यार कायदयांतर्गत कारवाई करणेबाबत नुकतेच आदेश दिले होते. त्याच अनुषंगाने शिरुर शहरातील सी टी बोरा कॉलेजच्या बाजुला हुडको कॉलनी रोड येथे एकजण विनापरवाना गावठी पिस्तूल जवळ बाळगून फिरत असल्याची माहिती गुप्त बातमीदारांमार्फत शिरुर पोलिसांना मिळाली. त्यानंतर पोलीस निरीक्षक सुरेशकुमार राऊत यांनी तात्काळ पोलीस पथक तयार करुन बेकायदेशीर पिस्तुल जवळ बाळगणाऱ्या अरबाज रशीद खान (वय २३) रा. बाबुरावनगर, शिरुर यास अटक केली आहे.
शिरुर पोलिसांनी दिलेल्या माहितीनुसार मंगळवार (दि. २६) रोजी संध्याकाळी ५ च्या सुमारास पोलीस निरीक्षक एकनाथ पाटील यांना खबऱ्या मार्फत माहिती मिळाली कि अरबाज रशीद खान हा सी टी बोरा कॉलेजच्या बाजुला हुडको कॉलनी रोड इथं त्याच्या मित्रासोबत विनापरवाना गावठी पिस्तुल जवळ बाळगुन बेकायदेशीररीत्या फिरत आहे. हि माहिती मिळताच शिरुर पोलीस ठाण्याचे पोलीस निरीक्षक सुरेशकुमार राऊत यांनी तात्काळ पोलीस पथक तयार करून आरोपीस पिस्तुलासह ताब्यात घेण्याबाबत पोलीस पथकास सुचना दिल्या. त्याप्रमाणे पोलीस पथकातील एकनाथ पाटील, पोलीस कॉन्स्टेबल नेमाने, तायडे, कॉ. साळुंके, चालक मांगडे यांना त्याठिकाणी तात्काळ पाठविले असता. अरबाज रशीद खान याच्या हालचाली संशयास्पद वाटल्या त्यावेळेस त्याची झडती घेतली असता त्याच्याकडुन ताब्यातुन २० हजार रुपये किंमतीचे एक गावठी पिस्तुल तसेच ४०० रुपये किंमतीचे दोन जिवंत काडतुस असा एकुण २० हजार ४०० किमतीचा मुद्देमाल जागीच जप्त करुन आरोपीस अटक करण्यात आली आहे.
सदरची कारवाई पुणे ग्रामीणचे पोलीस अधिक्षक डॉ. अभिनव देशमुख, पुणे अपर पोलीस अधिक्षक मितेश गटटे, शिरुरचे उपविभागीय पोलीस अधिकारी यशवंत गवारी यांच्या मार्गदर्शनाखाली पोलीस निरीक्षक सुरेशकुमार राऊत, पोलीस उपनिरीक्षक एकनाथ पाटील, पोलीस कॉन्स्टेबल नेमाने, तायडे, साळुंके, चालक मांगडे यांनी केली आहे. या गुन्हयाचा पुढील तपास एकनाथ पाटील करत आहेत.
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…
फळं खाण्यापेक्षा फळांचा रस पिणं हे जास्त आरोग्यदायी आहे. फळांचा रस घेतल्यानं वजन कमी होतं.…
शीतपित्ताच्या त्रासात अंगावर खाज सुटते व त्वचेवर पित्ताच्या लालसर गांधी व पुरळ उठतात. त्या पित्ताच्या…
‘वोट बचाओ, देश बचाओ’ महारॅलीचा भाजपाने घेतला धसका; मोदी-शाहांच्या सत्तेला हादरे बसत असल्याचा काँग्रेस प्रदेशाध्यक्षांचा…
सुनेत्रा पवारांना डावलल्याच्या बातम्या फेटाळल्या! मुंबई: राष्ट्रवादी काँग्रेस पक्षातील अंतर्गत मतभेद आणि नेतृत्वातील समन्वयाच्या चर्चांना…
मुंबई : विद्यार्थ्यांना दर्जेदार शैक्षणिक सुविधा आणि सुरक्षित निवासव्यवस्था उपलब्ध करून देण्यासाठी महाविद्यालयातील विकासकामांना गती…