शिक्रापूर (शेरखान शेख): तळेगाव ढमढेरे (ता. शिरुर) येथील गीताई हॉटेल जवळ हातात तलवार घेऊन शिवीगाळ करत दहशत करणाऱ्या युवकाला शिक्रापूर पोलिसांच्या पथकाने ताब्यात घेत कारवाई केली असून संदेश बाळासाहेब जाधव असे पोलिसांनी गुन्हे दाखल करत ताब्यात घेतलेल्या व्यक्तीचे नाव आहे.
तळेगाव ढमढेरे (ता. शिरुर) येथील गीताई हॉटेल जवळ एक व्यक्ती हातात धारदार तलवार घेऊन फिरत नागरिकांना शिवीगाळ करत असल्याची माहिती पोलीस निरीक्षक प्रमोद क्षिरसागर यांना मिळाली त्यांनतर पोलीस हवालदार किशोर तेलंग, अमोल चव्हाण, पोलीस नाईक विकास पाटील, पोलीस शिपाई किशोर शिवणकर यांनी सदर ठिकाणी जात पाहणी केली असता संदेश जाधव हा हातात धारदार तलवार घेऊन आरडाओरडा करत शिवीगाळ करत असल्याचे दिसून आले.
दरम्यान पोलिसांनी त्याला जागेवर पकडून त्याच्याजवळील तलवार जप्त करत संदेश जाधव याला ताब्यात घेतले. याबाबत पोलीस शिपाई किशोर उत्तम शिवणकर रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी संदेश बाळासाहेब जाधव (वय ३९) रा. नरके आळी तळेगाव ढमढेरे (ता. शिरुर) जि. पुणे याच्या विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार अमोल चव्हाण हे करत आहे.
अनैतिक संबंधाच्या संशयातून रूममेटने गळा दाबून केली हत्या; पत्नीसह अटक शिक्रापूर (ओमकार भोरडे): शिक्रापूर येथील…
आंबळे ग्रामस्थांचा चासकमान पाटबंधारे विभागाला इशारा; हेडपासून काम सुरू न केल्यास तीव्र लोकआंदोलन छेडण्याचा निर्धार…
उपमुख्यमंत्री एकनाथ शिंदे यांच्या उपस्थितीत ठाण्यात जाहीर पक्षप्रवेश; विकासाच्या राजकारणावर विश्वास व्यक्त ठाणे: राज्यातील राजकीय…
मुंबई: विद्यार्थ्यांच्या आंदोलनाचे श्रेय घेण्याचा विरोधकांचा प्रयत्न म्हणजे "बेगाने शादी में अब्दुल्ला दिवाना" असल्याची टीका…
शिरूर (तेजस फडके) : शिरूर तालुक्यातील मांडवगण फराटा येथील क्रिकेट स्पर्धेच्या वादातून बेकायदेशीर पिस्तुलाने गोळीबार…
उपमुख्यमंत्री एकनाथ शिंदेंच्या हस्ते शुभारंभ; दीड वर्षांत वाहतूक कोंडी कमी करण्याचे उद्दिष्ट, जलपुरवठा व क्रीडा…