त्या महिलेच्या पतीने गर्भपाताच्या गोळ्यांचा ओव्हरडोज दिला अन…

औरंगाबाद: फुलंब्री तालुक्यात रविवारी महिलेच्या पतीने गर्भपाताच्या गोळ्यांचा ओव्हरडोज दिल्यामुळे मृत्यू झाल्याची घटना समोर आली असून या प्रकरणी महिलेच्या पतीला अटक करण्यात आली आहे.

या बद्दल सविस्तर माहिती अशी की, मृत वैशाली क्षीरसागर हिचे नुकतेच बाळासाहेब क्षीरसागर यांच्याशी लग्न झाले. वैशाली गरोदर होती. मात्र, पतीला मूल नको होते. गर्भपात करण्यासाठी आरोपीने तिला गर्भपाताच्या गोळ्यांचा डोस दिला. दुर्दैवाने, गोळ्यांचे ओव्हरडोजमुळे महिलेच्या शरीरातले रक्त कमी झाले. त्यानंतर तिचा मृत्यू झाला.

यासंदर्भात पोलिसांना माहिती देण्यात आली असून आरोपीला त्याच्या घरातून अटक करण्यात आली आहे. तसेच आरोपी पतीविरोधात भारतीय दंड संहितेच्या (आयपीसी) संबंधित कलमांतर्गत गुन्हा दाखल करण्यात आला आहे. या दुर्दैवी घटनेने आजूबाजूच्या परिसरात खळबळ उडाली आहे.