मुख्य बातम्या

शिरूर तालुक्यात चार वर्षांची बिबट मादी जेरबंद

पिंपरखेड बीटमध्ये आतापर्यंत २७ बिबटे पकडण्यात वन विभागाला यश

शिरूर (अरुणकुमार मोटे): शिरूर तालुक्यातील टाकळी हाजी येथील टेमकरवाडी , तामखरवाडी, शिनगरवाडी आणि गावठाण परिसरात गेल्या काही दिवसांपासून बिबट्यांच्या वाढत्या वावरामुळे दहशतीचे वातावरण निर्माण झाले होते. या पार्श्वभूमीवर वन विभागाने लावलेल्या पिंजऱ्यात रविवारी (दि. २१) रात्री चार वर्षांची बिबट मादी जेरबंद झाली.

पिंपरखेड बीट अंतर्गत आतापर्यंत एकूण २७ बिबटे जेरबंद करण्यात वन विभागाला यश आले आहे. सध्या शिरूरच्या बेट भागात ऊसतोडणीचा हंगाम सुरू असून ऊसाची शेते मोकळी होत असल्याने बिबट्यांचा मानवी वस्तीतील वावर वाढला आहे. त्यामुळे शेतकरी व मजुरांमध्ये भीतीचे वातावरण पसरले होते.

टाकळी हाजी येथील नामदेव लोखंडे यांच्या शेतात वन विभागाने खबरदारीचा उपाय म्हणून पिंजरा लावला होता. रविवारी रात्री सुमारे दहा वाजता शिकारीच्या शोधात आलेली बिबट मादी या पिंजऱ्यात अडकली. घटनेची माहिती मिळताच वन विभागाचे महेंद्र दाते यांच्यासह कर्मचाऱ्यांनी घटनास्थळी धाव घेतली.

ही बिबट मादी चार वर्षांची असून तिला तातडीने जुन्नर येथील माणिकडोह बिबट निवारा केंद्रात हलविण्यात आले, अशी माहिती वनरक्षक लहू केसकर यांनी दिली.

या परिसरात बिबटे समूहाने फिरताना अनेक शेतकऱ्यांनी पाहिल्याचे सांगितले आहे. काही वेळा ते एकमेकांना जोरजोरात आवाज देताना ऐकू येतात. रविवारी रात्री साडेआठच्या सुमारास सुरेश लोखंडे यांनी घराजवळ असे आवाज ऐकले आणि त्यानंतर काही वेळाने पिंजऱ्याचा दरवाजा बंद झाल्याचा आवाज झाला.

परिसरात आणखी बिबट्यांचा वावर असण्याची शक्यता लक्षात घेता शेतकरी व नागरिकांनी सतर्क राहावे, असे आवाहन शिरूरचे वन परिक्षेत्र अधिकारी निळकंठ गव्हाणे यांनी केले आहे.

 

शिरूर तालुका टीम

Recent Posts

मराठी भाषा सक्ती! नियम मोडणाऱ्या शाळांवर कठोर कारवाईचा इशारा

मुंबई: राज्यातील सर्व शाळांमध्ये इयत्ता पहिली ते दहावीपर्यंत मराठी भाषा अनिवार्य असतानाही काही शाळांकडून नियमांचे…

1 तास ago

देशात नारी शक्तीचा जयघोष की राजकारणाचा दिखावा?

नवी दिल्ली: देशात महिला सक्षमीकरण आणि ३३ टक्के आरक्षणाचा मुद्दा पुन्हा एकदा चर्चेत आला असून, राजकीय…

1 तास ago

लता म्हणजे आयुष्याची वेल, आशा म्हणजे जगण्याची उमेद; एकनाथ शिंदे

  पुणे: “Lata Mangeshkar म्हणजे आयुष्याची कोमल वेल, तर Asha Bhosle म्हणजे त्या वेलीला मिळालेली…

1 तास ago

हाय कोलेस्टेरॉल आणि हृदयविकाराचा झटका वेळीच येण्यापासून रोखणारी कारणे

1) आपण जेव्हा मॉर्निंग वॉकला जातो तेव्हा आपल्या पायांवर ताण येऊ ते दुखू लागतात. जर…

1 तास ago

मूठभर कांद्याच्या टरफलांनी करा नॅचरल हेअर कलर, पांढरे केसही होतील १५ मिनिटांत काळेभोर

केसांच्या अनेक समस्यांमध्ये केसगळती व केस अकाली पांढरे होणे या दोन समस्या फारच कॉमन आहेत.…

1 तास ago

डायबिटीस कंट्रोलमध्ये ठेवण्यासाठी नाश्त्यात खा ‘हे’ पदार्थ, शुगर वाढणार नाही

डायबिटीस असलेल्या व्यक्तींसाठी औषधोपचाराबरोबरच योग्य आहार घेणे देखील तितकेच गरजेचे असते. दिवसभरातील आहारात देखील दिवसाची…

2 तास ago