शिरुर (किरण पिंगळे-शेलार) सध्या सगळीकडे लगीन सराई चालु आहे. लगीन सराई म्हणलं की नवरदेवाचा मोठा थाट असतो. कर्णकर्कश आवाजात लावलेला डिजे आणि त्या डिजे च्या तालावर बेधुंद अवस्थेत थिरकणारी तरुणाई हेच चित्र आज सगळीकडे पहायला मिळते. परंतु शिंदोडी येथील संदीप नानाभाऊ फडके यांनी मात्र हा सर्व प्रकार मोडीत काढत आपल्या उच्चशिक्षित मुलीच्या लग्नानिमित्त ताशांच्या गजरात घोड्यावरुन मिरवणुक काढत आजच्या युगात खऱ्या अर्थाने मुलगा व मुलगी समान असल्याचा एक आगळा वेगळा संदेश दिला आहे.
शिरुर तालुक्याच्या पुर्व भागातील शिंदोडी गावातील संदीप नानाभाऊ फडके यांची मुलगी पुजा हिचा रविवार (दि 3) रोजी विवाह आहे. सगळीकडे विवाहाच्या आधी ग्रामदैवताच्या पाया पडण्याची प्रथा आहे. त्यासाठी वधू किंवा वर लग्नाच्या आधी गावातील ग्रामदैवताच्या पाया पडण्यासाठी जात असतात. अनेकवेळा वधू किंवा वर यांची डीजे तालावर कर्णकर्कश आवाजात देवळापर्यंत मिरवणूक काढली जाते. परंतु या डीजे च्या कर्णकर्कश आवाजामुळे ध्वनी प्रदूषण तर होतेच. शिवाय गावातील तसेच परिसरातील लहान मुले आणि वृद्ध व्यक्तींनाही विनाकारण त्रास होतो.
त्यामुळे संदीप फडके यांनी हा सगळा प्रकार टाळत आपल्या उच्चशिक्षित मुलीची ताशांच्या गजरात घोड्यावरुन मिरवणुक काढत गावातील ग्रामदैवताचे दर्शन घेतले. अनेकवेळा मुलांच्या लग्नाच्या वेळेस घोड्यावरुन मिरवणूक काढली जाते. परंतु संदीप फडके यांनी मुलगा मुलगी असा भेदभाव न करता स्वतःच्या मुलीची ताशांच्या गजरात मुलीची मिरवणूक काढत एक वेगळा पायंडा पाडत समाजात आगळावेगळा संदेश दिला आहे.
कारेगाव (तेजस फडके) कारेगाव येथे दि 27 मे 2024 रोजी सायंकाळी 6 च्या सुमारास आय.टि.…
शिक्रापुर (योगेश शेंडगे) शिरुर तालुक्यातील पारोडी येथील सरकारी आरोग्य उपकेंद्र कायमच बंद अवस्थेत आढळून येत…
शिंदोडी (तेजस फडके) सध्या पुण्यातील हिट अँड रण प्रकरणाची देशभरात जोरदार चर्चा असुन एका बड्या…
शिरुर (तेजस फडके) पुणे पोर्शे अपघात प्रकरणात ससून रुग्णालयाचा भोंगळ कारभार (Pune Porsche car accident)…
कारेगाव (तेजस फडके) रांजणगाव MIDC पोलिस स्टेशन हद्दीत कारेगाव (ता. शिरुर) हद्दीतील बाजारतळा जवळील एका…
कारेगाव (तेजस फडके) कारेगाव येथील यश इन चौकात कत्तलीसाठी जाणाऱ्या 5 जनावरांना वाचविण्यात शिरुर तालुक्यांतील…