रांजणगाव गणपती (तेजस फडके) भांबर्डे (ता. शिरुर) येथील मनरेगा योजनेअंतर्गत मंजूर झालेल्या विहिरीच्या कामावर गंभीर शंका उपस्थित होत असून, या पार्श्वभूमीवर शिरुर पंचायत समितीच्या गटविकास अधिकाऱ्यांनी संबंधित अधिकाऱ्यांना तत्काळ स्थळपाहणी करुन पंचनामा करण्याचे आदेश दिले आहेत.
याबाबत मच्छिंद्र बापूराव पवार यांनी २६ सप्टेंबर २०२५ रोजी दाखल केलेल्या तक्रारीत सुरेश विश्वनाथ देशमुख आणि प्रदीप सुरेश देशमुख यांनी घेतलेल्या विहिरीची मंजुरी गट नं. ४७ मध्ये असून प्रत्यक्षात काम गट नं. ६१७ मध्ये केल्याचा आरोप केला आहे. विशेष म्हणजे, गट नं. ६१७ मध्ये देशमुख यांचे नाव ७/१२ व ८-अ उताऱ्यात नसल्याचेही नमूद करण्यात आले आहे.
या तक्रारीच्या पार्श्वभूमीवर उपोषण सुरु असताना शिरुर पंचायत समितीचे ग्रामविकास अधिकारी (वर्ग १) यांनी विस्तार अधिकारी बी.आर. गावडे, शाखा अभियंता रोशन तुमसरे (जि.प. बांधकाम), तसेच तांत्रिक अधिकारी राजेंद्र कोकरे (रोहयो शाखा) यांना तातडीने आज (दि ३) रोजी स्थळ पाहणी करुन मंजूर गट व प्रत्यक्ष खोदकाम झालेल्या गटाबाबत पंचनामा सादर करण्याचे आदेश दिले होते.
दरम्यान, या वादग्रस्त विहिरीच्या चौकशीवेळी देशमुख यांनाही उपस्थित राहण्यास सांगितले असून, आता या स्थळ पाहणीनंतर खरे काय आणि खोटे काय हे चित्र स्पष्ट होणार आहे. गावकऱ्यांमध्ये या चौकशीबाबत मोठी चर्चा सुरु झाली असून, मनरेगा योजनेत गैरव्यवहार झाला…? की केवळ वैयक्तिक सुडासाठी हा गाजावाजा केला गेला अशी सगळीकडे दबक्या आवाजात चर्चा सुरु आहे.
स्थळ पाहणीच्या वेळेस तक्रारदारचं गैरहजर…
आज दि ३ ऑक्टोबर २०२५ रोजी विस्तार अधिकारी बी.आर. गावडे, शाखा अभियंता रोशन तुमसरे (जि.प. बांधकाम), तसेच तांत्रिक अधिकारी राजेंद्र कोकरे (रोहयो शाखा) यांनी भांबर्डे गावातील गट क्रं ४७, ६२० आणि ६२२ यामध्ये पाहणी करुन पंचनामा अहवाल तयार केला आहे. यावेळी तक्रारदार मच्छिंद्र बापूराव पवार हे मात्र गैरहजर होते.
शिरुर तालुक्यात मनरेगा योजनेत गैरव्यवहाराचा आरोप; उपोषणाचा इशारा
शिरुर; मनरेगा गैरव्यवहाराचा खोटा आरोप…? देशमुखांचा पवारांवर पलटवार
महायुतीचे सहा उमेदवार बिनविरोध; विकासकामांवर जनतेची मोहर असल्याचा दावा ठाणे: ठाणे-पालघर विधानपरिषद निवडणुकीत महायुतीचे उमेदवार…
मुंबई: महाराष्ट्र शासनाच्या ग्रंथालय संचालनालयाने राज्यातील सर्व शासनमान्य सार्वजनिक व ग्रामपंचायत ग्रंथालयांना सन २०२५-२६ या…
कर्जमाफीपासून वंचित राहण्याची भीती, तहसीलदार आणि कृषी अधिकाऱ्यांच्या फेऱ्या मारून शेतकरी हैराण पाबळ (सुनिल…
न्हावरे (अक्षय टेमगिरे): अरणगाव (ता. शिरुर) खरीप हंगामाच्या पार्श्वभुमीवर शेतकऱ्यांना आधुनिक शेती तंत्रज्ञान, बीज प्रक्रिया…
शिरूर: शिरूर तालुक्यातील वाघाळे गावातील मान्यवरांचा १ जून रोजी सामूहिकरित्या वाढदिवस लहू थोरात (संचालक खरेदी…
शिरूर (अरुणकुमार मोटे): लोकशाहीचा चौथा स्तंभ मानल्या जाणाऱ्या पत्रकारितेवर दबाव टाकून डिजिटल पुरावे हटविण्यास भाग…