रांजणगाव गणपती (तेजस फडके) शिरुर तालुक्यातील पंचतारांकित औद्योगिक वसाहतीत कामगारांना मारहाण करणे, त्यांचे पगार न देणे असे प्रकार कायमच घडत असतात. असाच एक गंभीर प्रकार रांजणगाव एमआयडीसी पोलिस स्टेशन (Ranjangaon MIDC Police Steshan) हद्दीत घडला असुन ४० ते ५० कामगारांना एका खोलीत डांबुन ठेवत त्यांना केलेल्या कामाचे पैसे न देता त्यांना मारहाण करण्यात आली आहे. याबाबत पोलिसांनी सुधाकर रामराव माखणे (वय ३९) सध्या (रा. ढोकसांगवी, ता. शिरुर, जि. पुणे) मुळ (रा. वसमत आसेगाव रोड, ता. वसमत, जि. हिंगोली) यांच्या फिर्यादीवरुन चार जणांवर वेठबिगार कायद्या अंतर्गत गुन्हा दाखल करण्यात आला असुन यातील दोन जणांना अटक करण्यात आली आहे.
याबाबत रांजणगाव एमआयडीसी पोलिसांनी (Ranjangaon MIDC Police) दिलेल्या माहितीनुसार दि २५ जानेवारी २०२५ रात्री ८ ते दि १ फेब्रुवारी २०२५ रोजी ७ च्या दरम्यान वेळोवेळी ढोकसांगवी ता. शिरुर, जि. पुणे येथील एस के एच (HKH) कंपनी समोरील अभंग यांच्या खोलीत फिर्यादी तसेच फिर्यादी सोबतचे इतर कामगार यांना लेबर कॉन्ट्रॅक्टर आनंद दिगंबर वाघळकर व सुनील दिगंबर वाघळकर, कामगारांना जेवण देणारा प्रशांत श्रावण साळवे तसेच सुपरवायझर अक्षय काळे यांनी कंपनीमध्ये काम करण्यासाठी आणलेल्या कामगारांना त्यांना डांबून ठेवत धमकावुन वेगवेगळ्या कंपनीमध्ये काम करण्यास भाग पाडले.
तसेच केलेल्या कामाचे पैसे न देता कॉन्ट्रॅक्टर सुनील वाघळकर व सुपरवायझर अक्षय काळे यांना दवाखान्यात जाण्यासाठी पैसे मागितले असता त्यांनी फायबरच्या पाईपने कामगारांना पाठीत व कमरेवर मारहाण करुन दुखापत केली आहे. तसेच इतर कामगारांनाही वेळोवेळी मारहाण केली आहे. त्यामुळे रांजणगाव एमआयडीसी पोलिस स्टेशन (Ranjangaon MIDC Police Steshan) मध्ये चार जणांविरोधात गुन्हा दाखल करण्यात आला असुन रांजणगाव पोलिस स्टेशनचे पोलिस निरीक्षक महादेव वाघमोडे यांच्या मार्गदर्शनाखाली पोलिस उपनिरीक्षक अविनाश थोरात हे करत आहेत.
सदर गुन्ह्यातील आरोपी आनंद वाघाळकर व प्रशांत साळवे यांना अटक करण्यात आली असुन आज (दि २) रोजी त्यांना शिरुर न्यायालयात हजर केले असता दि (दि ५) पर्यंत पोलीस कोठडी देण्यात आली असुन इतर दोन फरार आरोपींचा पोलिस शोध घेत आहेत.
खोली भाड्याने देताय थोडी काळजी घ्या…
रांजणगाव, कारेगाव, ढोकसांगवी, बाभुळसर खुर्द या परीसरात अनेक कामगार खोली घेऊन भाड्याने राहतात. परंतु खोलीमालक पैशाच्या लोभापायी या कामगारांची कोणतीही विचारपुस न करता किंवा भाडेकरुंची कोणतीही पार्श्वभूमी न पाहता त्यांना खोल्या भाड्याने देतात. त्यामुळे असे गंभीर प्रकार घडतात.
खोली मालकावर गुन्हा दाखल करण्याची मागणी…
सदर प्रकार ज्या ठिकाणी घडला तिथे एका पत्र्याच्या शेडमधे ४० ते ५० कामगारांना डांबुन ठेवले असल्याची खात्रीलायक माहिती मिळत असुन खोलीमालक नवनाथ अभंग याने हे शेड भाड्याने दिले होते. तिथे काही परप्रांतीय तसेच महाराष्ट्रातल्या कामगारांना मारहाण करत त्रास दिला जात होता. परंतु खोली मालकाच्या हि बाब लक्षात आली नाही का…? कि खोली मालक सुद्धा या सगळ्यात सामील होता. याचा तपासही पोलिसांनी करणे गरजेचे असुन या खोली मालकावर सुद्धा गुन्हा दाखल करावा अशी मागणी काही सामाजिक कार्यकर्त्यांनी केली आहे.
शिरुर; माजी सैनिकाच्या पत्नीची कंपनीच्या भागीदारीत फसवणुक करत जिवे मारण्याची धमकी
‘कुणी न्याय देईल का न्याय’ माजी सैनिकाच्या पत्नीची आर्त हाक; आरोपी अद्यापही मोकाट
शिक्रापुरचे पोलीस हवालदार मिलिंद देवरे यांची दंबग कामगिरी, दोन स्कॉर्पिओ सह ५३ किलो गांजा केला जप्त
Video: शिरुर तालुक्यातील कडबा पेंढी चोर झाला सीसीटीव्हीत कैद; ओळखा कोण…?
पालघर: पालघर जिल्ह्यातील कासा पोलीस ठाण्याच्या हद्दीत अल्पवयीन आदिवासी मुलीवर भोंदू बाबाकडून झालेल्या लैंगिक अत्याचाराच्या…
मुंबई: ‘कामाचा माणूस’ म्हणून ओळख असलेल्या राष्ट्रवादी काँग्रेसचे दिवंगत नेते आदरणीय अजितदादा पवार यांच्या कार्याला…
मुंबई: राज्यातील शालेय शिक्षण व्यवस्थेत महत्त्वपूर्ण बदल घडवित, इयत्ता सहावीच्या नवीन अभ्यासक्रम आराखड्याला मंजुरी देण्यात…
कोलकाता: पश्चिम बंगाल विधानसभा निवडणुकीनंतर राज्याच्या राजकारणात मोठे वळण आले असून Mamata Banerjee यांनी पराभव मान्य…
मुंबई: महाराष्ट्र राज्य मार्ग परिवहन महामंडळाच्या (एसटी) वतीने सवलतधारक प्रवाशांना NCMC (National Common Mobility Card)…
रांजणगाव (तेजस फडके) : शिरूर तालुक्यातील रांजणगाव औद्योगिक वसाहत (MIDC) परिसरात परप्रांतीय कामगारांवर हल्ले, लूटमार…