शिरुर (तेजस फडके) शिरुर तालुक्यात रेशन दुकानात रेशन आणायला गेलेल्या अल्पसंख्याक समाजाच्या एका २८ वर्षीय महिलेचा विनयभंग करुन रेशनदुकान दाराने लज्जास्पद वर्तन करुन जीवे मारण्याची धमकी दिल्याचा गंभीर प्रकार करडे गावात घडला असुन याबाबत शिरुर पोलिस ठाण्यात पिडीत महिलेने संबंधित रेशन दुकानदारा विरोधात फिर्याद दाखल केली आहे.
हा प्रकार घडल्यानंतर पिडीत महिलेने पोलिस स्टेशनला फिर्याद दाखल करु नये म्हणुन रेशन चालकाच्या मुलाने पिडीत महिलेला सर्वांसमोर अर्वाच्य भाषेत शिवीगाळ केली. तसेच शिरुर पोलिस स्टेशन येथे फिर्यादी महिला गेलेली असताना गावातील राजकीय पुढाऱ्यांच्या काही बगलबच्चांनी ‘त्या’ महिलेला फिर्याद मागे घेण्यासाठी पोलिस स्टेशन मध्येच दबाव आणल्याची खात्रीलायक माहिती आहे.
तसेच पोलिस स्टेशन मध्ये पिडीत महिलेची फिर्याद दाखल करु नये म्हणुन करडे गावातील एका बड्या राजकीय नेत्याने पोलिसांना फोनद्वारे संपर्क साधला. परंतु पिडीत महिला फिर्याद दाखल करण्यावर ठाम असल्यामुळे या नेत्याचाही नाईलाज झाला.
शिरुर पोलिस स्टेशन येथे फिर्याद दाखल गेल्यानंतर त्या महिलेसह तिच्या कुटुंबीयांना शिरुर येथील एका हॉटेल मध्ये बोलावून फिर्याद मागे घेण्यासाठी ‘प्रतिज्ञापत्र’ लिहून देण्यासाठी दबाव टाकला. त्यामुळे सदर पिडीत महिलेला प्रचंड मानसिक त्रास झाल्याने तिला उपचारासाठी खाजगी दवाखान्यात ऍडमिट करावं लागलं आहे.
वरिष्ठ पोलिस अधिकारी लक्ष घालणार का…?
शिरुर पोलिस स्टेशन मध्ये यापुर्वीही गंभीर गुन्हा दाखल असताना राजकीय पाठबळ असणारा एक माजी पंचायत समिती सदस्य मोकाट फिरत आहे. गुन्हा दाखल होऊन जवळपास एक महिना होऊनही आरोपीला अटक करण्यात पोलिसांना यश आलेलं नाही. कारण पोलिसांवर थेट ‘वरुन’ आरोपीला अटक न करण्यासाठी प्रचंड दबाव असल्याची दबक्या आवाजता सगळीकडे चर्चा आहे. तसेच करडे येथील महिलेच्या विनयभंग प्रकरणातही करडे येथील राजकीय पुढारी हस्तक्षेप करत असल्यामुळे आता वरिष्ठ पोलिस अधिकारी यात लक्ष घालणार का…? असा प्रश्न उपस्थित केला जात आहे.
शिरूर तालुक्यात रेशन दुकानात महिलेसोबत लज्जास्पद वर्तन करुन जीवे मारण्याची धमकी
अशोक भोरडे यांच्या तक्रारीवरून भुमाफिया राहुल करपे याच्याविरुद्ध अखेर गुन्हा दाखल
शिरुर; गंभीर गुन्ह्यातील माजी पंचायत समिती सदस्याला अटक करण्यासाठी शिरुर पोलिसांना सापडेना मुहूर्त…?
रांजणगाव गणपती (तेजस फडके) रस्त्याच्या मध्यभागी उभी केलेली दुचाकी बाजूला घेण्यास सांगितल्याच्या कारणावरुन काही गुंड…
पुणे: राष्ट्रवादी काँग्रेसचे युवा नेते जय अजितदादा पवार यांनी आज पुण्यातील सीआयडी कार्यालयात संबंधित अधिकाऱ्यांची…
‘विकासाला विरोध नाही, विनाशाला विरोध’; कर्जत-भीमाशंकरमधील वृक्षतोडीची उद्या सपकाळ करणार पाहणी मुंबई: कर्जत-भीमाशंकर परिसरात प्रस्तावित…
सुनेत्रा पवारांकडून नियुक्त्यांची घोषणा; पार्थ पवारांच्या उपस्थितीत नियुक्तीपत्र प्रदान मुंबई : राष्ट्रवादी काँग्रेस पक्षात महत्त्वाच्या संघटनात्मक…
गडचिरोली : प्रस्तावित विमानतळासाठी शेतकऱ्यांच्या सुपीक जमिनींचे अधिग्रहण करण्यास विरोध करत काँग्रेसचे विधिमंडळ नेते विजय…
शिरूर (तेजस फडके) : शिरूर तालुक्यात सामाईक विहिरीवरील पाण्याची मोटार बंद केल्याचा जाब विचारणे आणि…