शिरुर; पारोडीत वीज पडून दुमजली बंगल्याचे नुकसान घरातील सर्व विद्युत उपकरणे जळून खाक

न्हावरे (अक्षय टेमगिरे) शिरुर तालुक्यातील पारोडी गावात मंगळवार (दि १२) जुन रोजी रात्री ८:४५ च्या दरम्यान किरण टेमगिरे यांच्या दुमजली बंगल्यावर वीज कोसळून घराचे मोठे नुकसान झाले आहे. विजेचा जोरदार धक्का बसल्याने बंगल्यावरील टोपीचा काही भाग जमिनीत कोसळला. सुदैवाने या घटनेत कोणतीही जीवितहानी झाली नाही. मात्र सुमारे २ लाख ५० हजार रुपयांचे आर्थिक नुकसान झाले आहे.

मंगळवारी रात्री ८:४५ च्या सुमारास पारोडी परिसरात वादळी वाऱ्यासह जोरदार पाऊस चालु होता. यावेळी अचानक मोठा विजांचा कडकडाट झाल्याचा आवाज परिसरात ऐकू आला. या घटनेनंतर तातडीने किरण टेमगिरे यांनी घरी धाव घेतली असता घरातील संपुर्ण वायरिंग जळून गेल्याचे व घरातील वीज मीटर उद्ध्वस्त झाल्याचे आढळले. टीव्ही, फ्रीज, पंखे, लाईट फिटिंग्ज आदी सर्व विद्युत साहित्य पूर्णपणे निकामी झाले आहे.

बुधवार (दि १३) रोजी पारोडी गावचे पोलीस पाटील कुंडलिक येळे आणि तलाठी कोमल माने यांनी घटनास्थळी भेट देऊन पंचनामा केला. वीज वितरण कंपनीकडूनही प्राथमिक तपास सुरु आहे. महसूल व विज वितरणच्या अधिकाऱ्यांनी संपुर्ण नुकसानीचा अहवाल तयार केल्यानंतर मदत मंजुर करण्याची प्रक्रिया राबवली जाणार आहे.

सध्या हवामान विभागाने विजांसह पावसाचा इशारा दिलेला असुन ग्रामस्थांना सुरक्षित स्थळी थांबण्याचे व अनावश्यकपणे इलेक्ट्रिक उपकरणे सुरु ठेवू नये असे आवाहन प्रशासनाने केले आहे.

निमोणेकरांनी जपली माणुसकी अपघातात मृत्यूमुखी पडलेल्या थोरात यांच्या कुटुंबियांना लाखोंची आर्थिक मदत

संतापजनक; नात्याला काळिमा फासणारी दुर्दैवी घटना; बापाचा स्वतःच्याच मुलीवर लैंगिक अत्याचार

आमदार माऊली कटके यांच्या दुर्लक्षाने आंदोलनकर्त्यांमध्ये तीव्र नाराजी…?