मुतखडा आणि योग्य आहार कसा असावा

मुतखडा म्हणजे किडनी स्टोन या आजारांमध्ये आहाराचे महत्त्व खूप आहे.

चुकीचा आहार घेतल्यामुळे लघवीमध्ये कॅल्शियम, ऑक्सालेट, यूरिक ॲसिड यासारखे खनिज व क्षार या घटकांचे प्रमाण वाढल्यामुळे मुतखड्याचा त्रास होत असतो.

आहार कसा असावा

शहाळ्याचे पाणी, उसाचा रस, कुळथाचे कढण (सूप) हे तुम्ही घेऊ शकता.

आहारामध्ये चाकवताची भाजी, शेवग्याच्या शेंगा, मुळा, गाजर, कांदा यांचा समावेश करू शकता.

फळांमध्ये तुम्ही केळी, डाळिंब, द्राक्ष, लिंबू ,संत्री हे घेऊ शकता.

आहारामध्ये फायबर युक्त पदार्थ अधिक असावेत.

दररोज कमीत कमी सात ते दहा ग्लास पाणी प्यावे.

हिरव्या पालेभाज्यांचा समावेश असावा.

अयोग्य आहार

हाय प्युरीनयुक्त पदार्थ अधिक खाल्ल्यामुळे लघवीमध्ये युरिक ऍसिडचे प्रमाण वाढते व त्यामुळे मूतखडे तयार होत असतात त्यामुळे तुम्ही प्युरीनयुक्त म्हणजे मांसाहार, मासे, अंडी यांचे प्रमाण कमी करावे

वांगी, टोमॅटोच्या बिया, भेंडी, फ्लॉवर, वाटाणा, कोबी खाणे टाळावे.

ज्या पदार्थांमध्ये ऑक्सालेट असतात असे पदार्थ म्हणजे बटाटा, चॉकलेट, बीट, सुकामेवा, गव्हाचा कोंडा, चहा, पालक हे पदार्थ कमी करावेत.

मिठाचे प्रमाण आहारामध्ये कमी करावे

लोणची, पापड, वेफर्स यासारखे खारट पदार्थ खाणे टाळावे.

खाण्याचा सोडा तसेच कोल्ड्रिंग असे पदार्थ खाणे टाळावे.

क्षारयुक्त पाणी पिण्याचे टाळावे.

(सोशल मीडियावरून साभार)