मुंबई: महाराष्ट्र विधानसभा निवडणूक २०२४ मधील मतदान प्रक्रियेवर उपस्थित होत असलेल्या शंका आणि संशयाच्या पार्श्वभूमीवर, मतदारसंघनिहाय ‘परिशिष्ट ४४’च्या प्रती तातडीने उपलब्ध करून द्याव्यात, अशी मागणी महाराष्ट्र प्रदेश काँग्रेस कमिटीचे सरचिटणीस ॲड. संदेश कोंडविलकर यांनी केली आहे.
यासंदर्भात ॲड. कोंडविलकर यांनी आज मंत्रालयात राज्याचे मुख्य निवडणूक अधिकारी एस. चोकलिंगम यांची भेट घेत पत्र सादर केले. त्यांनी सांगितले की, राज्यातील सर्व २८८ मतदारसंघांतील निवडणूक निर्णय अधिकाऱ्यांनी सादर केलेल्या परिशिष्ट ४४ च्या प्रती सार्वजनिक केल्यास लोकांच्या मनातील संभ्रम दूर होण्यास मदत होईल.
पत्रात पुढे नमूद करण्यात आले आहे की, मतदानाच्या दिवशी नोंदवलेली आकडेवारी आणि त्यानंतर जाहीर झालेल्या अधिकृत आकडेवारीमध्ये तफावत असल्याचे दिसून येत आहे. या संदर्भात काँग्रेससह इतर राजकीय पक्ष आणि सामाजिक संघटनांनीही शंका उपस्थित केल्या असून, निवडणूक आयोगाकडे विविध तक्रारी दाखल करण्यात आल्या आहेत.
विधानसभा निवडणुकीत ‘व्होट चोरी’चा नवीन पॅटर्न वापरण्यात आल्याची जनभावना तयार झाली असल्याचा दावा करत, या सर्व शंकांचे निरसन करण्यासाठी संबंधित परिशिष्ट तातडीने उपलब्ध करून देणे आवश्यक असल्याचे ॲड. कोंडविलकर यांनी म्हटले आहे.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…