फेब्रुवारी २०२६ पासून UPI चे नवे नियम लागू; Google Pay, PhonePe, Paytm वापरकर्त्यांवर थेट परिणाम

मुंबई: सध्या डिजिटल व्यवहारांचा वापर झपाट्याने वाढत असून, UPI द्वारे होणारे ऑनलाइन पेमेंट हे दैनंदिन जीवनाचा अविभाज्य भाग बनले आहे. अशातच UPI वापरकर्त्यांसाठी महत्त्वाची बातमी समोर आली आहे. फेब्रुवारी २०२६ पासून UPI च्या नियमांमध्ये मोठे बदल लागू करण्यात आले असून, याचा थेट परिणाम Google Pay, PhonePe आणि Paytm वापरकर्त्यांवर होणार आहे. हे बदल डिजिटल व्यवहार अधिक जलद, सुरक्षित आणि विश्वासार्ह करण्याच्या उद्देशाने करण्यात आले आहेत.

UPI ट्रान्झॅक्शन होणार अधिक जलद

नव्या नियमानुसार UPI ट्रान्झॅक्शनचा वेग वाढवण्यात आला आहे. आता API रिस्पॉन्स केवळ १० सेकंदांत पूर्ण होईल. यापूर्वी यासाठी ३० सेकंदांचा कालावधी लागायचा. त्यामुळे पेमेंट अडकणे, पेंडिंग राहणे किंवा फेल होण्याच्या समस्या मोठ्या प्रमाणात कमी होणार आहेत.

API (Application Programming Interface) च्या माध्यमातून बँक बॅलन्स तपासणे, पैसे पाठवणे आणि ट्रान्झॅक्शन कन्फर्मेशन मिळणे अधिक जलद होणार आहे.

वाढत्या डिजिटल व्यवहारांना बळ

देशभरात UPI वापरकर्त्यांची संख्या सातत्याने वाढत आहे. हे लक्षात घेता रिअल-टाइम प्रोसेसिंग अधिक मजबूत करण्यात आली आहे. नव्या नियमांमुळे Google Pay, PhonePe आणि Paytm वर व्यवहार करताना येणाऱ्या तांत्रिक अडचणी कमी होतील, असा दावा करण्यात आला आहे.

सुरक्षिततेला प्राधान्य

नवीन UPI नियमांमध्ये सुरक्षेवर विशेष भर देण्यात आला आहे.हाय व्हॅल्यू ट्रान्झॅक्शनसाठी अतिरिक्त व्हेरिफिकेशन आवश्यक असेलसबस्क्रिप्शन आणि ऑटो-डेबिट (Recurring Payment) व्यवस्थापन किंवा रद्द करणे अधिक सोपे होणार आहेयामुळे वापरकर्त्यांची फसवणूक होण्याची शक्यता कमी होईल.

निष्क्रिय UPI ID साठी पुन्हा व्हेरिफिकेशन

बराच काळ वापरात नसलेल्या UPI ID वरून पेमेंट करणे किंवा त्या अकाउंटला पैसे पाठवणे थांबवले जाईल. अशा UPI ID साठी री-व्हेरिफिकेशन करणे बंधनकारक असेल. हा निर्णय चुकीच्या किंवा फसव्या व्यवहारांना आळा घालण्यासाठी घेण्यात आला आहे.