shirur-taluka-logo
शिरूर (नितीन थोरात) : जिल्हा परिषद गट टाकळी हाजी येथे राजकीय घडामोडींनी अचानक वेग घेतला असून, या गटातील उमेदवारांची चिंता वाढली आहे. कालपर्यंत संभाव्य पक्षचिन्हांची छाप मतदारांपर्यंत पोहोचविण्यासाठी उमेदवारांकडून झालेली धडपड, नव्या राजकीय समीकरणांमुळे व्यर्थ ठरण्याचा धोका निर्माण झाला आहे.
टाकळीहाजी हे या गटातील सर्वाधिक मतदार असलेले गाव मानले जाते. याच गावातून जिल्हा परिषदेसाठी दोन उमेदवार इच्छुक असल्याची माहिती मिळते. दुसरी प्रमुख मतदारसंख्या असलेले गाव म्हणजे कवठे येमाई. येथूनही जिल्हा परिषदेच्या उमेदवारीसाठी दोन उमेदवारांनी इच्छा दर्शविली आहे. त्यामुळे गटातील स्पर्धा चुरशीची होणार हे निश्चित झाले आहे.
टाकळी हाजी गटातील पंचायत समिती मतदारसंघासाठी नेमके किती उमेदवार इच्छुक आहेत आणि कोण असणार, याबाबत मात्र अद्याप स्पष्टता नाही. स्थानिक स्तरावर चर्चा सुरू असली तरी अधिकृत हालचाली चित्रात आलेल्या नाहीत. या गटात नुकतेच झालेल्या पक्षीय बदलामुळे कोणत्या पक्षाला लाभ होणार याबाबत राजकीय वर्तुळात वेगवेगळ्या चर्चा आहेत. काहींच्या मते सत्ताधारी पक्षाला लाभ होण्याची शक्यता आहे, तर काहींचा अंदाज विरोधकांना फायदा होऊ शकतो असा आहे. मात्र अंतिम लाभ कोणाला मिळणार याकडे संपूर्ण तालुक्याचे लक्ष लागले आहे.
पक्षीय चिन्ह, स्थानिक नेतृत्त्वाचा पाठींबा, तसेच गावनिहाय जातीय व गटबाजीचे राजकारण या सर्व घटकांचा घडामोडींवर मोठा प्रभाव पडणार आहे. त्यामुळे प्रत्येक इच्छुक उमेदवार गावागावांत संपर्क वाढवत असून समर्थकांची फळी मजबूत करण्याच्या प्रयत्नात व्यस्त दिसत आहेत. दरम्यान, बेट भागात जिल्हा परिषद व पंचायत समिती निवडणुकांच्या तोंडावर मोठा राजकीय भूकंप झाला आहे. कवठे येमाई-टाकळी हाजी जिल्हा परिषद गटात राष्ट्रवादी काँग्रेसकडून राजेंद्र गावडे यांची उमेदवारी कापून दामूआण्णा घोडे यांना संधी देण्यात आली आहे. यामुळे गावडे घराण्याने राष्ट्रवादीला रामराम ठोकण्याचे संकेत दिले आहेत. राष्ट्रवादीने गावडे कुटुंबाचे तिकीट कापल्याची चर्चा राजकीय वर्तुळात रंगली आहे.
शिरूर तालुक्यात ZP, पंचायत समितीच्या तोंडावर मोठा राजकीय भूकंप…
जिल्हा परिषद निवडणूक! टाकळी हाजी जिल्हा परिषद गटाचा ऐतिहासिक, सामाजिक व राजकीय आढावा
शिरूर नगरपरिषद निवडणूक! नाट्यमय घडामोडींनी राजकीय वातावरण निघाले ढवळून…
शिरूरमध्ये अनपेक्षित राजकीय उलथापालथ; राजकीय गणितांना मोठा धक्का…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…