सामाजिक बांधिलकी जपत विशेष विद्यार्थ्यांसोबत रक्षाबंधन

शिक्रापूर: पिंपळे जगताप (ता. शिरुर) येथील सेवाधाम मतिमंद निवासी विद्यालयातील विशेष विद्यार्थ्यां सोबत परिषद प्राथमिक शाळा भोंडवे वस्ती येथील विद्यार्थीनींनी रक्षाबंधन साजरे करत सामाजिक भान जपले आहे.

पिंपळे जगताप (ता. शिरुर) येथील सेवाधाम मतिमंद निवासी विद्यालय येथे जिल्हा परिषद प्राथमिक शाळा भोंडवे वस्ती येथील विद्यार्थीनींनी रक्षाबंधनच्या निमित्ताने भेट दिली. यावेळी सेवाधाम मधील विशेष विद्यार्थ्यांना औक्षण करत राखी बांधून रक्षाबंधन साजरे केले. दरम्यान विशेष विद्यार्थ्यांनी देखील मोठ्या प्रेमाने बहिणीकडून राखी बांधून घेत बहिणीला शैक्षणिक साहित्य भेट देत बहिण भावांच्या प्रेमाचा रक्षाबंधन हा सण उत्साहात साजरा केला.

यावेळी जिल्हा परिषद प्राथमिक शाळा भोंडवे वस्तीचे उपक्रमशील शिक्षक सचिन पवार सेवाधामचे मुख्याध्यापक पवन कट्यारमल, कलाशिक्षक संजय पोटफोडे, उपस्थित होते. तसेच यावेळी मानसशास्त्रज्ञ नृसिंह कुलकर्णी यांनी उपस्थित विद्यार्थ्यांना रक्षाबंधन बाबत माहिती दिली.