grampanchayat-karegaon
कारेगाव (तेजस फडके) शिरुर तालुक्यातील कारभारनीच्या नथीतुन तीर मारणाऱ्या कारेगाव येथील माजी महिला सरपंचाच्या पतीने कारेगाव ग्रामपंचायत हद्दीतील एका कंपनीत काम मिळविण्यासाठी स्वतःची पत्नी सरपंच असताना ग्रामपंचायतच्या लेटरपॅडचा वापर करत स्वतःच्या पत्नीच्या सहीने कंपनीमुळे प्रदूषण होत असल्याचे पत्र संबंधित कंपनीला दिले. त्यानंतर कंपनीत काम मिळाल्यानंतर संबंधित कंपनीमुळे कसलेही प्रदूषण होत नसल्याबाबतचे दुसरे पत्र महाराष्ट्र प्रदूषण नियंत्रण मंडळाला दिले.
याबाबत कोणत्याच ग्रामपंचायत सदस्याला विश्वासात घेतले गेले नाही. चार वर्षे या महाशयांची पत्नी सरपंच असताना ग्रामपंचायतच्या प्रत्येक निर्णयामध्ये या महाशयांनी ढवळाढवळ केली. तसेच स्वतःच्या नातेवाईकांना किंवा मर्जीतल्या लोकांनाचं ग्रामपंचायतचं काम कसे मिळेल याची ‘विशेष’ काळजी घेतली. चार वर्षात आम्ही ग्रामपंचायत मध्ये फक्त ‘नामधारी’ होतो. अशी माहिती कारेगावच्या काही ग्रामपंचायत सदस्यांनी नाव न छापण्याच्या अटीवर ‘शिरुर तालुका डॉट कॉम’ शी बोलताना दिली.
रांजणगावची औद्योगिक वसाहत उभी राहत असताना कारेगावच्या हद्दीतील जमिनी शासनाने संपादित केल्या. त्यामुळे गावातील अनेक शेतकरी पुर्णपणे भूमिहीन झालेले आहेत. त्यामुळे कारेगावच्या हद्दीतील कंपन्यामध्ये आपल्याला छोटा व्यवसाय मिळावा. यासाठी कारेगावचे अनेक युवक स्वतःच्या हिमतीवर औद्योगिक वसाहतीत काम मिळवतात. परंतु हे ‘महाशय’ राजकीय ओळखीचा गैरवापर करुन स्वतःच्याचं गावातल्या युवकांच्या कामावर डोळा ठेऊन मेहुण्याला पुढे करुन ते काम जबरदस्तीने बळकावतात.
सध्या पुणे जिल्ह्याचे पालकमंत्री अजित पवार आहेत. या महाशयांच्या पत्नी अजित पवार यांच्या राष्ट्रवादीच्या राज्याच्या पदाधिकारी असल्यामुळे त्यांची अजित पवारांशी तसेच माजी सहकारमंत्री दिलीप वळसे पाटील यांच्याशी जवळीक असल्यामुळे हे ‘महाशय’ साम, दाम, दंड. भेद यां सगळ्या गोष्टीचा वापर करुन कारेगाव हद्दीतील जवळपास सगळ्या कंपन्यामध्ये फक्त मीच काम करणार अशी ‘टिमकी’ मिरवत आहेत. तसेच स्थानिक युवकांना मिळालेली कामे ‘दादागिरी’ करुन स्वतः किंवा मेहुण्याला पुढे करुन तोडत आहेत. त्यामुळे भविष्यात रांजणगाव औद्योगिक वसाहतीत कंपन्यामधील कामांसाठी जीवघेणा संघर्ष होण्याची शक्यता दिसत आहे.
(क्रमशः)
रांजणगाव MIDC तील विविध कामात माजी महिला सरपंचाच्या पतीची लुडबुड…?
कारेगाव ग्रामपंचायतच्या अजब गावकारभाऱ्यांचा गजब कारभार
शिंदोडी येथील क्रिकेट स्पर्धेत शिरुर, श्रीगोंदा, पारनेर तसेच दौंड तालुक्यातील २० संघाचा सहभाग
रांजणगाव गणपती (तेजस फडके) रांजणगाव औद्योगिक वसाहतीच्या कडेला असणाऱ्या रांजणगाव गणपती, ढोकसांगवी, सोनेसांगवी, कारेगाव, बाभुळसर…
हा प्रश्न अनेकांना पडला असेल. त्या प्रश्नाचं उत्तर या लेखात मिळेल. हिमोग्लोबिन, प्लाझ्माप्रमाणे प्लेटलेट्स हादेखील…
विजय वडेट्टीवारांचा सरकारवर घणाघात; “दोन दिवसांत दहा शेतकऱ्यांच्या आत्महत्या, सरकारला शेतकऱ्यांचे दुःख दिसत नाही का?”…
जीभचा रंग हा तुमच्या शरिराच्या स्थितीचा अंदाज सांगतो. पाहा काय आहे जीभेच्या रंगामागचं खरं कारण.…
न्हावरे (अक्षय टेमगिरे) : गुनाट ते शिंदोडी रस्त्यावर भरधाव आणि निष्काळजीपणे मोटारसायकल चालविणाऱ्या चालकाने सायकलवरुन…
मलठण (सुनिल जिते) : अष्टविनायक महामार्गावर भरधाव वेगाने वाहन चालविणे आणि ओव्हरटेक करण्याचा प्रयत्न दोन…