शिंदोडी (तेजस फडके) शिरुर तालुक्याच्या पुर्व भागातील शिंदोडी गावात ओम साई क्रिकेट क्लबच्या वतीने पहिल्यांदाचं ‘शिवशंभो चषक २०२५’ या भव्य क्रिकेट स्पर्धेचे आयोजन करण्यात आले आहे. या क्रिकेट स्पर्धेचे उदघाटन गुरुवार (दि २४) रोजी सकाळी १० वाजता मान्यवरांच्या हस्ते करण्यात आले. या क्रिकेट स्पर्धेत शिरुरसह श्रीगोंदा, पारनेर तसेच दौंड तालुक्यातील २० संघानी सहभाग घेतला आहे.
या स्पर्धेसाठी शिंदोडी विविध कार्यकारी सहकारी सोसायटीचे माजी अध्यक्ष एकनाथ वाळुंज यांच्याकडुन ४१ हजारांचे प्रथम बक्षीस, माजी पंचायत समिती सदस्य आबासाहेब सरोदे व योगीराज उद्योग समुहाचे अध्यक्ष राहुल कर्पे यांच्याकडुन ३१ हजारांचे द्वितीय बक्षीस, शिरुर नगरपालिकेचे माजी नगरसेवक नितीन पाचर्णे आणि शिंदोडी गावचे माजी सरपंच इंद्रभान ओव्हाळ यांच्याकडुन २१ हजारांचे तृतीय बक्षीस तर माजी सैनिक योगेश धावडे व कांदा व्यापारी अशोक वाळुंज यांच्याकडुन १५ हजारांचे बक्षीस देण्यात येणार आहे.
या क्रिकेट स्पर्धेचे उदघाटन माजी सरपंच इंद्रभान ओव्हाळ, शिरुर भाजपाचे सरचिटणीस शरद ओव्हाळ, शिंदोडी विविध कार्यकारी सहकारी सोसायटीचे संचालक शिवाजी ओव्हाळ, माजी ग्रामपंचायत सदस्य निलेश वाळुंज, युवा कार्यकर्ते श्रीपाद वाळुंज तसेच क्रिकेटप्रेमी उपस्थित होते.
रांजणगाव MIDC तील विविध कामात माजी महिला सरपंचाच्या पतीची लुडबुड…?
Video; रांजणगाव MIDC तील MEPL च्या प्रश्नावर खासदार डॉ अमोल कोल्हे आक्रमक
