nilobaraya-gatha-mandir kahandale
शिरूर : श्री तीर्थक्षेत्र खंडाळे (रांजणगाव गणपती) येथे संत परंपरेचा गौरव वाढवणारा श्री संत श्रेष्ठ निळोबाराय गाथा मंदिर व संत पंचायतन मंदिर या भव्य प्रकल्पाच्या भूमिपूजन व शिलान्यास समारंभाचा सोहळा दिमाखात संपन्न झाला. वारकरी संप्रदायाचे ज्ञान-भक्ती परंपरेचे प्रतीक ठरणाऱ्या या पवित्र उपक्रमाने खंडाळे परिसरात आध्यात्मिक उत्साहाचे वातावरण निर्माण केले.
भक्तिवेदांत वारकरी शिक्षण संस्था व नंदकिशोर गोशाळा, तसेच एकनाथ महाराज गुरुकुलचे संस्थापक अध्यक्ष ह.भ.प. संतोष महाराज खेडकर यांच्या संकल्पनेतून हे भव्य मंदिर उभारण्याचा विचार गेल्या अनेक वर्षांपासून प्रलंबित होता. अखेर समस्त वारकरी संप्रदायाच्या सहकार्याने हा ऐतिहासिक क्षण प्रत्यक्षात उतरला.
पवित्र वेदमंत्रांच्या नादात व भक्तीभावनेने ओथंबलेल्या वातावरणात भूमिपूजन–शिलान्यास हा मंगल सोहळा संपन्न झाला. या प्रसंगी साधकहृदय डॉक्टर बाबा, साधकहृदय नंदकिशोर दादा, साधकहृदय मोठे कदम माऊली, श्रीकृष्णकृपांकित विकासानंद मिसाळ महाराज, नाथवंशज योगेश महाराज गोसावी, निळोबाराय वंशज गोपाळ महाराज मकाशीर, तुकोबाराय वंशज प्रशांत महाराज मोरे, माऊली महाराज कुऱ्हाडे, अशोक सावंत अध्यक्ष संत निळोबाराय संस्थान, यांच्या हस्ते भूमिपूजन पार पडताच परिसर “जय जय रामकृष्ण हरी”च्या जयघोषाने दुमदुमून गेला.
या सोहळ्यास राजकीय क्षेत्रातील अनेक मान्यवरांनी हजेरी लावली. त्यामध्ये प्रमुख मा. आमदार पोपटराव गावडे, मा. सभापती आरतीताई भुजबळ, मानसिंगभैया पाचुंदकर, जि.प. सदस्या स्वातीताई पाचुंदकर, बापूसाहेब शिंदे, जिल्हाध्यक्ष युवासेना तसेच शिरूर, दौंड, पारनेर, हवेली, आंबेगाव, जुन्नर, मावळ तालुक्यातील अनेक वारकरी महाराज, भक्तगण, तसेच खंडाळे, रांजणगाव गणपती पंचक्रोशीतील राजकीय, सामाजिक, शैक्षणिक क्षेत्रातील आजी-माजी पदाधिकारी आणि हजारो नागरिक यांनी मोठ्या संख्येने उपस्थित राहून कार्यक्रमाची शोभा वाढवली.
या सोहळ्यात साधुसंतांच्या आगमनाने खंडाळे येथे भक्तीचा महापूरच पाहायला मिळाला. ‘साधुसंत येती घरा, तोची दिवाळी दसरा’ या भावनेने संपूर्ण वातावरण मंगलमय झाले. भक्ती, सेवा आणि समर्पणाच्या भावनेने हा दिवस ऐतिहासिक ठरला.
दरम्यान, मंदिर उभारणीसाठी अनेक दानशूर देणगीदारांनी लाखो रुपयांची देणगी जाहीर करत या पुण्य कार्यास शुभारंभ केला. समारोप प्रसंगी आयोजकांनी सर्व उपस्थित मान्यवर व देणगीदारांचे आभार मानले.
संपर्क :
संतोष महाराज खेडकर 9551517799
दादाभाऊ नरवडे 9623026405
खंडाळे येथे श्री संत एकनाथ महाराज पालखी सोहळा सांगता समारंभ संपन्न!
खंडाळे येथे पालखी सोहळ्याचा सांगता समारंभ; हजारो भाविक सहभागी…
खंडाळे येथे पालखी सोहळ्याचा सांगता समारंभ; हजारो भाविक सहभागी…
मुंबई: महाराष्ट्र चित्रपट, रंगभूमी आणि सांस्कृतिक विकास महामंडळ यांच्या दादासाहेब फाळके चित्रपट रसास्वाद मंडळ उपक्रमांतर्गत…
मुंबई: नाशिक व मालेगाव येथील राष्ट्रवादी काँग्रेस (शरदचंद्र पवार) पक्षाचे काही पदाधिकारी आज काँग्रेसमध्ये दाखल…
मुंबई: महाराष्ट्र प्रदेश काँग्रेस कमिटीचे अध्यक्ष Harshvardhan Sapkal यांनी राष्ट्रपिता Mahatma Gandhi यांच्या हत्येचे समर्थन…
मुंबई: मुंबई शहरात वाढत चाललेल्या ड्रग्जच्या बेकायदेशीर व्यापाराविरोधात राष्ट्रवादी काँग्रेस (शरदचंद्र पवार) पक्षाचे प्रदेश प्रवक्ते…
शिरूर (अरुणकुमार मोटे): शिरूर तालुक्यातील सविंदणे येथील सुप्रसिद्ध सनईवादक हरीभाऊ पवार (वय ७५ वर्षे) यांचे दीर्घ…
मुंबई: महिला आरक्षणाच्या मुद्द्यावरून महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी भाजपावर जोरदार टीका…