वाघाळे विविध विकास सोसायटी कडून सभासदांना दहा टक्के लाभांश!

वाघाळे: विविध विकास कार्यकारी सोसायटीची 61वी वार्षिक सर्वसाधारण सभा चेअरमन सुर्यकांत बढे यांचे अध्यक्षतेखाली शुक्रवार (ता. २९) सकाळी सोसायटी कार्यालयात संपन्न झाली.

वाघाळे विविध विकास कार्यकारी सोसायटी संस्थेचे 822 सभासद आहेत. संस्थेचे भाग भांडवल 3724790 रुपये असून संस्थेने 1/4/2023 ते 31/3/2024 अखेर 54223897 रुपये कर्ज वाटप केले असून संस्थेस निव्वळ नफा 1249956.44 रुपये एवढा झाला आहे. गेल्या पंधरा वर्षांपासून सभासदांना लाभांश वाटण्यात आला नव्हता. या नवीन कार्यकारिणी काळात मागील वर्षी इमारत दुरुस्त करून या वर्षी सभासदांना 10% लाभांश वाटप करण्यास मंजुरी घेतली.

नवीन कार्यकारिणीने दोन वर्षांत खूप छान काम केले असून, त्याबद्दल सुरेश थोरात यांनी संचालक मंडळाच्या अभिनंदनाचा ठराव मांडला व सर्वांनी एकमुखाने मंजूरी दिली. अहवाल छपाईचे सौजन्य उद्योजक व संचालक वैभव गावडे यांनी केले.

वार्षिक सर्वसाधारण सभेस लहू थोरात, तुकाराम भोसले, सुरेश थोरात, देवराम थोरात, बाळासाहेब बढे, गोरखनाथ गायकवाड, जयेंद्र सोनवणे, वसंत शेळके, सखाराम शेळके, किसन गोरडे, आनंदराव सोनवणे, दशरथ कारकुड आदी मान्यवर उपस्थित होते. सभेचे सूत्रसंचालन माजी चेअरमन दिलीप थोरात यांनी केले तर आभार सोसायटीचे सचिव उत्तम थोरात यांनी मानले.

वाघाळे विविध विकास सोसायटीच्या अध्यक्षपदी सूर्यकांत बढे तर उपाध्यक्षपदी विकास कारकूड यांची बिनविरोध निवड 

कालिकामाता विद्यालय वाघाळे येथील विद्यार्थी तब्बल ३१ वर्षांनी आले एकत्र!

वाघाळे येथील लहू थोरात यांची मतदार प्रतिनिधी पदी निवड!

वाघाळे गावातील भरारी महिला ग्राम संघाचे उद्घाटन संपन्न!

वाघाळे येथे विकास सोसायटीच्या कार्यालयाचे उद्घाटन…