parmeshwar-botkar-kawthe
कवठे येमाई (अरुणकुमार मोटे): कवठे येमाई (ता.शिरूर) येथील हिलाळ वस्ती येथे शेतीला पाणी देत असताना परमेश्वर दत्तात्रय बोटकर (वय २१) या युवकावर बिबट्याने हल्ला केल्याने तो जखमी झाला आहे. सध्या त्याची प्रकृती स्थिर आहे. शिरूर तालुक्यातील म्हसे बु येथील महिलेवर हल्ला झालेली घटना ताजी असतानाच हा हल्ला झाला आहे. बिबट्याचे पशुधनाबरोबर मानवावर होणारे हल्ले वाढले असून, वनविभागाने बिबट्यांचा बंदोबस्त करण्याची मागणी जनतेतून जोर धरत आहे.
बिबट्यांच्या दहशतीने शाळकरी मुले, महिला व शेतकरी यांच्यामध्ये प्रचंड भीतीचे वातावरण पसरले आहे. बोटकर हा युवक मंगळवारी (ता. ६) संध्याकाळी सहाच्या सुमारास शेतीला पाणी देत होता. यावेळी अचानक बिबट्याने पाठीमागून त्याच्यावर हल्ला केला. या हल्ल्यात बिबट्याने परमेश्वरच्या छातीवर पंजा मारला व डाव्या पायाला जबड्यात पकडले. परंतु त्याने न घाबरता बिबट्याचा सामना करत प्रतिकार केला. त्याने आरडाओरडा केल्यामुळे बिबट्याने शेजारील ऊसात पोबारा केला. घटनास्थळी वनपाल गणेश पवार, वनरक्षक नारायण राठोड, वन कर्मचारी हनुमंत कारकुड , कवठे येमाईचे उपसरपंच उत्तम जाधव, युवा नेते अविनाश पोकळे, अतुल हिलाळ, सावकार शेटे यांनी भेट दिली.
या परिसरात उसाचे क्षेत्र जास्त असल्यामुळे बिबट्यांना नैसर्गिक अधिवास मिळाला आहे. जनतेने बिबट्यापासून सावध राहण्यासाठी काळजी घेतली पाहिजे. शेतीला पाणी देण्यासाठी एकट्याने जाऊ नये. सोबत मोबाईल किंवा रेडिओ नेऊन त्याच्यावर मोठ्या आवाजात गाणे वाजवावे, सोबत काठी बाळगावी. तसेच फटाके वाजवावे.
– वनरक्षक नारायण राठोड.
बेट भागात बिबट्यांची संख्या वाढल्याने पशुधनाबरोबरच मनुष्यावर हल्ले वाढू लागले आहेत. शासनाने लवकरात लवकर बंदोबस्त करावा अन्यथा या परिसरातील शेतकऱ्यांना शेती करणे कठीण होणार आहे. यापुढील काळात कोणाच्या जीवितास धोका झाल्यास त्यास सर्वस्वी वनखाते जबाबदार रहाणार आहे. लवकरच या संबंधी मी वन खात्यातील वरिष्ठांशी बोलणार आहे.
– माजी पंचायत समिती सदस्य डॉ. सुभाष पोकळे
या तरुणाच्या धाडसाचे कौतुक करावे तितके थोडे आहे, त्याने न डगमगता बिबट्याचा सामना केला. या तरुणाच्या जखमा बऱ्या होईपर्यंतच्या उपचाराची जबाबदारी वनविभागाने घ्यावी.
– सरपंच सुनीता बबनराव पोकळे
कोरेगाव भीमा येथे तळ ठोकून बसलेला बिबट्या अखेर जेरबंद…
निमगाव दुडे येथे बिबट्याच्या हल्ल्यात कालवड ठार
शिरूर तालुक्याच्या बेट भागात तातडीने पिंजरे लावून बिबट्यांना जेरबंद करण्याची मागणी
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…