शिक्रापुरात इकोग्राम सोसायटीच्या सुरक्षा रक्षकांना मारहाण

शिक्रापूर (शेरखान शेख): शिक्रापूर (ता. शिरुर) येथील इकोग्राम सोसायटीच्या सुरक्षा रक्षकांना दोघा युवकांकडून मारहाण करण्यात आल्याची घटना घडली असल्याने शिक्रापूर पोलीस स्टेशन संतोष खोमणे व सनी पाटील या दोघांवर गुन्हे दाखल करण्यात आले आहे.

शिक्रापूर (ता. शिरुर) येथील इकोग्राम सोसायटीचे सुरक्षा रक्षक अनिल सोनकुसरे हे सोसायटीच्या गेटवर असताना रात्री साडेअकरा वाजण्याच्या सुमारास संतोष खोमणे सोसायटीमध्ये आले असताना त्यांना गेटचा धक्क्का लागल्याने संतोष खोमणे व सनी पाटील यांनी सुरक्षारक्षक सोनकुसरे यास शिवीगाळ, दमदाटी करत दांडक्याने मारहाण करण्यास सुरवात केली. त्यामुळे दुसरे सुरक्षारक्षक दिपक तारू मध्ये आले असता त्यांना देखील मारहाण केली त्यानंतर काही नागरिक व सुरक्षारक्षक कंपनीचे मोहन राजगुरव सदर ठिकाणी आल्याने त्यांनी दोघा सुरक्षारक्षकांची युवकांच्या तावडीतून सुटका केली.

याबाबत अनिल गजानन सोनकुसरे (वय ४९) रा. तळेगाव रोड शिक्रापूर ता. शिरुर जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी संतोष खोमणे व सनी पाटील दोघे रा. शिक्रापूर (ता. शिरुर) जि. पुणे यांच्या विरुद्ध गुन्हे दाखल केले असून पुढील तपास निरीक्षक प्रमोद क्षिरसागर यांच्या मार्गदर्शनाखाली पोलीस हवालदार बापू हडागळे हे करत आहे.