कवठे येमाई येथे अपघातात एक ठार, दुसरा गंभीर जखमी…

सविंदणे (अरुणकुमार मोटे): अष्टविनायक महामार्गावरील कवठे येमाई येथील इचकेवाडी हद्दीत इको गाडी व टु व्हिलर गाडीची समोरासमोर धडक झाली. यावेळी झालेल्या भीषण अपघातात दुचाकीवरील एक जण जागीच ठार झाला असून दुसरा गंभीर जखमी झाला आहे. जखमी व्यक्तीवर शिरूर येथील खासगी रुग्णालयात उपचार सुरू आहेत.

बुधवारी (ता. ०५) ७ वा. चे सुमारास कवठे येमाईतील इचकेवाडी येथील बस स्टॅन्ड जवळ पारगाव ते कवठे येमाई रोडवर दिपक येठेकर हा मोटार सायकल नं. एम. एच. 16. सी. आर. 7785 चालवित जेवणाचा डब्बा आणण्याकरता कामगार रंगनाथ बन्सी आढाव यांच्यासह जात होता. कवठे येमाई बाजूकडून पारगाव बाजूकडे राँग साईडने येणा-या इको गाडी नं.एम.एच.12.टी.डी.8718 वरील अज्ञात चालकाने त्याच्या ताब्यातील इको गाडी ही राँग साईडने भरधाव वेगात चालवल्यास त्यामध्ये एखाद्याचा अपघात होवून त्यामध्ये जिवीत हानी अगर मृत्यू होवू शकतो याची जाणीव असतानाही, इको गाडीवरील चालकाने त्याचे ताब्यातील गाडी भरधाव वेगात, हयगयीने, निष्काळजीपणे, रहदारीचे नियमाकडे दुर्लक्ष करून चालवले.

दिपक येठेकर व त्याचे पाठीमागे बसलेला रंगनाथ बन्सी आढाव यांना समोरासमोर धडक दिली. त्यामध्ये दिपक येठेकर (वय 33, मु. पो. गुंडेगाव, ता. जि. अ. नगर) याचा मृत्यू झाला आहे. दुचाकीवर पाठीमागे बसलेला रंगनाथ आढाव यांना गंभीर जखमा झाल्या आहेत. इको गाडी नं. एम. एच. 12. टी. डी. 8718 वरील अज्ञात चालकाविरूद्ध मयताचा भाऊ अमोल गोरक्ष येठेकर यांनी कायदेशीर तक्रार दाखल केली आहे. या घटनेचा पुढील तपास सहाय्यक पोलिस निरीक्षक अमोल पन्हाळकर हे करत आहेत.

दोन दुचाकींची समोरासमोर जोरदार धडक; दोघांसह चिमुकला ठार…

शिरूर तालुक्यात महिलेच्या साडीचा पदर दुचाकीच्या चाकात अडकून मृत्यू…

Video; शिरुर येथे मोठा अनर्थ टळला रस्ता दुभाजक ओलांडून मालवाहु कंटेनरची थेट सलुन दुकानाला धडक

शिरूर तालुक्यात ऑनलाइन गेममधील नैराष्यातून आत्महत्या…

शिरुर तालुक्यातही पोर्शे पॅटर्न, पोलिस पाटलाच्या अल्पवयीन मुलीच्या हातात चारचाकी; धडक बसल्याने एकाचा मृत्यू

शिरुर तालुक्यातही पोर्शे पॅटर्न जोरात अल्पवयीन मुलांच्या हातात दुचाकी, ट्रॅक्टर अन चारचाकी गाड्या…