शिरूर तालुक्यात वृद्ध आईला लाथाबुक्क्यांनी आणि काठ्यांनी बेदम मारहाण…

शिरूर : जमिनीच्या वाटपावरून सुरू असलेल्या वादातून सावत्र मुलाने आपल्याच वृद्ध आईला लाथाबुक्क्यांनी आणि काठ्यांनी बेदम मारहाण केल्याची धक्कादायक घटना वढू बुद्रुक (ता. शिरूर) येथे घडली आहे. मुलासोबतच त्याच्या कुटुंबातील इतर सदस्यांनीही सहभाग घेतल्याने परिसरातून नाराजी व्यक्त केली जात आहे.

संबंधित कुटुंबात जमिनीच्या वाटपावरून गेल्या अनेक दिवसांपासून धुसफूस सुरू होती. वृद्ध महिला हक्काच्या जमिनीसाठी मागणी करत असताना सावत्र मुलाला ते मान्य नव्हते. वादाचे रूपांतर आज (मंगळवार) शिवीगाळीत झाले आणि संतापाच्या भरात सावत्र मुलाने आणि त्याच्या घरातील सदस्यांनी वृद्ध आईवर हल्ला केला. वृद्ध महिलेला नराधम मुलाने आणि त्याच्या कुटुंबीयांनी जमिनीवर पाडून बेदम मारहाण केली. या मारहाणीत वृद्ध महिलेच्या अंगावर गंभीर जखमा झाल्या असून तिला तातडीने जवळच्या रुग्णालयात उपचारार्थ दाखल करण्यात आले आहे. संबंधित घटनेचा व्हिडिओ समोर आल्यानंतर गावकरीही हादरले आहेत.

पीडित महिलेच्या तक्रारीवरून शिरूर पोलिसांनी सावत्र मुलगा आणि त्याच्या कुटुंबीयांविरुद्ध भारतीय न्याय संहितेच्या विविध कलमान्वये गुन्हा दाखल केला आहे. पोलिस पुढील तपास करत आहेत.

शिक्रापूर ते मलठण रस्ता खोदणाऱ्या विरोधात गुन्हा दाखल करण्याची मागणी…

शिक्रापूर ते मलठण रस्त्याच्या कामांबाबत नागरिकांनी वाचला तक्रारींचा पाढा…

शिक्रापूर पोलिसांची मोठी कारवाई! पाच सराईत आरोपींना दोन वर्षांसाठी तडीपार

शिरूर! हायटेक ‘गर्भलिंग निदान’ रॅकेटमध्ये अनेक धक्कादायक बाबी…?

शिरूर! ‘सुलभ’ भिशी घोटाळा प्रकरणात संशयाचे सावट झाले गडद…