वाघोलीतील लॉजवर प्रेमीयुगुलाची गळफास घेत आत्महत्या…

पुणे : वाघोली मधील एका लॉजवर प्रेमीयुगुलाने गळफास घेत आत्महत्या केल्याची घटना घडली आहे. प्रेमप्रकरणातून दोघांनीही आत्महत्या केल्याची प्राथमिक माहिती पुढे आली असून, पोलिस पुढील तपास करत आहेत.

पुणे शहरातील २० वर्षी युवतीचे अहमदनगर येथील २१ वर्षी युवकाबरोबर प्रेमसंबंध होते. दोघेही सोमवारी (ता. ३०) सकाळी ११ वाजण्याच्या सुमारास लॉजवर आले होते. सायंकाळी सहा वाजता ते खोली सोडणार होते. मात्र, वेळ झाल्यानंतरही ते बाहेर न आल्याने लॉजमधील कामगारांनी युवकाच्या मोबाईलवर संपर्क साधला. युवकाने फोन न उचलल्याने कामगार खोलीजवळ गेले. त्यांनी दरवाजाची बेल वाजवली. तेव्हा दरवाजा बंद नसल्याचे लक्षात आले. दरवाजा ढकलल्यानंतर आत दोघांनीही गळफास घेतल्याचे दिसले. लॉजच्या कर्मचाऱ्यांनी याची माहिती पोलिसांना दिली.

दरम्यान, युवती डीएमएलटीचे शिक्षण घेत होती. तर युवक खासगी कंपनीत नोकरी करत होता. या घटनेची नोंद पोलिसात झाली आहे. अधिक तपास लोणीकंद चे वरिष्ठ पोलिस निरीक्षक विश्वजीत काईंगडे यांच्या मार्गदर्शनाखालील सहाय्यक पोलिस निरीक्षक सुरज राजगुरू करत आहेत.

पोरींनो बाप आभाळ आहे ते कुठेही झुकता कामा नये…

शिरूर तालुक्यात मुलाच्या निधनाने वडिलांची नैराश्यातून आत्महत्या…

शिरुर-रामलिंग रस्त्यावर दुचाकीला धडक; महाविद्यालयीन युवती ठार….

शिरूर तालुक्यात मुलीच्या अंगावरील गोधडी ओढून केला विनयभंग…

शिरूर तालुका आता व्हॉट्सअ‍ॅप चॅनलवरही!