बापरे! किंग कोब्राने युवकाला केला दंश अन् जीव गेला सापाचा…

भोपाळ (मध्य प्रदेश): पावसाळा सुरू झाल्यानंतर अनेकदा रस्त्यावर साप दिसतात. एका गावात कोब्रा जातीचा साप एका व्यक्तीला चावला. विशेष म्हणजे ती व्यक्ती बचावली; पण साप मेला. एखाद्या विषारी सापाने माणसाला चावा घेतला तर तो माणूस मरू शकतो; पण माणसाला चावल्यावर साप मेला, असा उलटा प्रकार मध्य प्रदेशमध्ये घडला आहे. या गावात नक्की काय घडलं होतं त्याचा उलगडा पोलिसांनी केला आहे.

मध्य प्रदेशातील सागर येथे ही घटना घडली आहे. सागरच्या नरयावली पोलिस ठाण्याच्या हद्दीत रस्त्यावर एक साप आला होता. स्थानिकांनी तो साप पाहिल्यानंतर सर्पमित्राला याबाबतची माहिती दिली. सर्पमित्र चंद्रकुमार घटनास्थळी दाखल झाला आणि त्याने हा साप किंग कोब्रा असल्याची ओळख पटवली. चंद्रकुमार साप पकडत असताना त्याला साप चावला.

साप चावल्यानंतर चंद्रकुमारला उपचारांसाठी रुग्णालयात गेला. तिथे त्याच्यावर उपचार सुरू असताना त्याच्या तब्येतीत सुधारणा होऊ लागली. मात्र, गावात सापाचा मृत्यू झाला. युवकाला साप चावला व साप मेला, अशी अफवा सगळीकडे पसरली. त्यानंतर हे प्रकरण पोलिसांपर्यंत गेले आणि पोलिसांनी तपास केला असता घटनेमागचं खरं कारण समोर आले. साप कसा मेला, याचा शोध पोलिसांनी घटनेनंतर 14 दिवसांनी घेतला.

तपासात आढळलेल्या माहितीनुसार, साप पकडणाऱ्या चंद्रकुमारला हा साप चावल्यानंतर त्याला रुग्णालयात नेले, तिथे त्याच्यावर उपचार सुरू झाले; मात्र इकडे गावातले लोक जमले आणि ते सापाला पकडण्याचा प्रयत्न करू लागले. नंतर सापाला पकडून प्लास्टिकच्या डब्यामध्ये बंद करण्यात आले. गुदमरल्याने सापाचा मृत्यू झाला. यानंतर त्या माणसाला चावल्याने सापाचा मृत्यू झाल्याची अफवा पसरली. अफवा पसरल्यानंतर प्रकरण पोलिसांपर्यंत गेले. यामागचं सत्य जाणून घेण्यासाठी पोलिसांनी साप पकडणाऱ्या चंद्रकुमारची चौकशी केली. त्यानंतर हा संपूर्ण प्रकार उघडकीस आला आहे.

साप चावला अन् अंत्यसंस्कारावेळी उठून उभा राहिला…

थरारक Video: शौचालयास बसलेल्या एकावर तब्बल १३ फूट लांबीच्या अजगराने केला हल्ला…

Video: दारूचे व्यसन सोडवायला गेला अन् मिळाला खतरनाक ‘प्रसाद’…

Video: एसटी बसमध्ये 2 वृद्धांमध्ये चप्पलेने हाणामारी…

Video: युवतीची आई म्हणते, लग्नासाठी मुलगा पटव पण कसा पटवू…

Video: पेट्रोल पंपावर फोनची रिंग वाजली आणि दुचाकी पेटली…

Video: नागाच्या जवळ जाऊन काढत होता व्हिडिओ अन्…