बिग बॉस मराठी ६! दिव्या शिंदेला धमकीमुळे घराबाहेर काढले!

मुंबई: बिग बॉस मराठीच्या सहाव्या सीझनमध्ये एक धक्कादायक घटना घडली आहे. घरातील स्पर्धक दिव्या शिंदेला बिग बॉसनं तातडीने घराबाहेर काढलं आहे. कारण, तिने नॅशनल टेलिव्हिजनवर इतर स्पर्धकाला जीवावर मारण्याची धमकी दिल्यामुळे बिग बॉसला सुरक्षेच्या कारणास्तव ही कठोर कारवाई करावी लागली.

घटनेनुसार, बिग बॉसमध्ये पार पडलेल्या एका टास्कदरम्यान घराबाहेरील स्पर्धकांच्या चेहऱ्यावर लाल रंगाचे फुल टाकण्याचे आव्हान देण्यात आले होते. जेव्हा त्या टास्कमध्ये तन्वीची वेळ आली, तेव्हा तिने दिव्याचं नाव घेतलं. हे ऐकून दिव्याला राग आला आणि तिने घरातील इतर सदस्यांना जीव मारण्याची धमकी दिली. बिग बॉसने तिला थांबवण्याचा प्रयत्न केला, पण दिव्या आपल्या मतावर ठाम राहिली.

नंतर तिला कन्फेशन रुममध्ये बोलावून तिची चूक सुधारण्याची संधी दिली गेली, पण दिव्या तिथे देखील ताठर होती. राकेशने तिला सौम्य भाषेचा वापर करण्याचा सल्ला दिला, परंतु राग अनावर असलेल्या दिव्याला काही फरक पडला नाही. शेवटी सर्व सदस्य हॉलमध्ये असताना, बिग बॉसने तिच्या चुकीचा उल्लेख केला आणि दंड म्हणून तिला घराबाहेर काढले.

दिव्याच्या बाहेर पडण्याने घरातील सर्व सदस्यांना धक्का बसला. विशेषतः दीपाली सय्यदच्या डोळ्यातून अश्रू ओघावले, मात्र दिव्याने न रडता सर्वांचा निरोप घेतला.ही घटना बिग बॉस मराठीच्या सहाव्या सीझनमध्ये पहिल्यांदाच घडली आहे. याआधी पाचव्या सीझनमध्येही आर्या आणि निक्की यांच्यातील वादामुळे आर्याला घराबाहेर काढलं गेले होते, पण दिव्याच्या बाहेर पडण्याचा प्रकार आणखी धक्कादायक ठरला आहे.