Shikrapur Police Station
शिरुर (अरुणकुमार मोटे) शिरुर तालुक्यातील शिक्रापुर पोलिस स्टेशन हद्दीत खुनाच्या गुन्ह्यातील आरोपीला पोलीस निरीक्षक यांनी या आरोपीकडुन पैसे घेऊन सोडून दिल्याचा खळबळजनक प्रकार समोर आला असून याची वाचा फोडण्यासाठी त्याच पोलीस स्टेशनमध्ये असलेल्या ‘खत्री ‘ पोलिस कर्मचाऱ्याने याबाबत वरिष्ठांना लेखी तक्रार अर्ज केला आहे. जर पोलीस अधिकारीच खुनाच्या गुन्हयातील आरोपीला पैसे घेऊन सोडून देत असेल तर मग सर्वसामान्य जनतेला न्याय कसा मिळणार…? हा प्रश्न उपस्थित होत आहे.
याबाबतची सविस्तर माहीती अशी की, शिक्रापुर पोलिस स्टेशनमधील अ.म.र.नं. ३१/२०२४ मधील मयताचा खुन झालेला होता. त्यातील खुनाचे आरोपी शिक्रापुर पोलिस स्टेशनचे पोलिस निरीक्षक यांनी निष्पन्न करुन आर्थिक प्रलोभनास बळी पडुन आरोपी सोडुन दिलेले आहेत अशी लेखी तक्रार त्याच पोलिस स्टेशनमधील एका ‘ खत्री ‘ कर्मचाऱ्याने लेखी निवेदनाद्वारे वरीष्ठांकडे दिली आहे.
याबाबत त्यांचा जबाब नोंदविल्यानंतर पोलीस निरीक्षक दिपरतन गायकवाड यांनी शिकापुर पोलीस स्टेशन मधील सी.सी.टी.व्ही. चित्रीकरण डिलीट केले. तसेच ज्या दुय्यम सरकारी वाहनातुन आरोपीस पोलीस स्टेशन येथे आणले त्या वाहनाचे लॉगबुक चोरीस गेले. त्यानंतर त्यांनी सदर चौकशीची कागदपत्रे माहिती अधिकार अतंर्गत मागणी केली असता माहीती देण्यास नाकारण्यात आली.
त्याचबरोबर कोरेगाव भिमा येथील एक गरीब अल्पवयीन १३ वर्षे वयाची मुक बधीर निर्भया हिचे कडुन तिच्या आईशी दिपरतन गायकवाड हे संगनमत करुन तिच्याकरवी आर्थिक लाभाकरीता देहविक्रीचा व्यवसाय चालवित आहेत. याबाबत अपर पोलीस अधीक्षक,पुणे विभाग यांना समक्ष भेटुन ‘खत्री’ या कर्मचाऱ्याने सांगितले असता त्यावेळी त्यांनी त्यांच्या बोलण्याकडे दुर्लक्ष करुन ” मग तु इथे कशाला आला आहे, डी. वाय. एस. पी. कडे जा.” असे म्हणुन तेथुन सदरचा अर्ज घेवुन त्यांना पाठवुन दिले.
त्यामुळे जर वरीष्ठांच्या भष्ट्राचाराची भांडाभोड करुनही वरीष्ठ अधिकारी न्याय देणार नसेल तर याकडे मुख्यमंत्री, उपमुख्यमंत्री यांनी या प्रकरणी गंभीरपणे लक्ष देऊन या खुनाचा प्रकरणाची तात्काळ चौकशी करुन खुनातील आरोपी निष्पन्न करुन दोषी असणाऱ्या अधिकाऱ्यांवर तातडीने कारवाई केली गेली पाहिजे. अन्यथा कायद्याचे हे रक्षक मोठे भक्षक बनल्याशिवाय राहणार नाही. आता या प्रकरणी हा खुनाचा गुन्हा उघडकीस आणण्याचा प्रयत्न करणाऱ्या ‘ खत्री ‘ पोलिस कर्मचाऱ्याचा वरीष्ठ सन्मान करणार की त्यांचा डीफॉल्ट रीपोर्ट पाठवून पोलिस मुख्यालयात बदली करणार हे पाहणे महत्वाचे ठरणार आहे.
(क्रमश:)
रामलिंग महिला उन्नतीच्या पाठपुराव्याला अखेर यश…शिरुरच्या सुलभ शौचालयाचा ठेका रद्द
शिरूरमध्ये वृद्ध महिलेच्या गळ्याला तलवार लावून लुटणाऱ्याला शिरूर पोलिसांनी केले जेरबंद
शिरूर तालुक्यातील विविध ग्रामपंचायतीचा बंद ला उस्फुर्त प्रतिसाद!
पुणे: पुणे जिल्ह्यातील नसरापूर येथील चिमुकलीवरील अत्याचार व हत्येच्या घटनेने राज्यभर संताप व्यक्त होत असताना,…
जर तुम्ही दररोज सकाळी रिकाम्या पोटी विडयाचे पान खाल्ले तर तुम्हाला त्यातून बरेच फायदे मिळतील.…
बहुतेक लोक विविध पदार्थांमध्ये कढीपत्ता भरपूर वापरतात. कढीपत्ता जेवणाची चव वाढवण्याचे काम करतो. सांबर, डाळ,…
मुंबई : राज्यात १ मेपासून जनगणना मोहिमेला सुरुवात झाली असून ही मोहीम दोन टप्प्यांत राबवली…
मुंबई: काँग्रेसचे ज्येष्ठ पदाधिकारी यशवंत हाप्पे यांच्या स्मरणार्थ दादर येथील टिळक भवनमध्ये शोकसभा आयोजित करण्यात…
मुंबई: राज्यातील कायदा सुव्यवस्थेची लक्तरे आधीच वेशीवर टांगली गेलेली आहेत. राज्यात महिला व लहान मुलीही…