शिरुर तालुक्यात कौटुंबिक वादातून मुलाने केला वडिलांवर जीवघेणा हल्ला

कारेगाव (तेजस फडके) शिरुर तालुक्यातील निमगाव भोगी येथे कौटुंबिक वादातून मुलाने वडिलांवरच चाकूने हल्ला करुन गंभीर जखमी केल्याची धक्कादायक घटना उघडकीस आली आहे. ही घटना दि. २२ ऑगस्ट २०२५ रोजी मध्यरात्री घडली. याबाबत चंद्रकांत श्रीपती शेवाळे (वय ६४, रा. शेवाळेमळा, निमगाव भोगी, ता. शिरुर, जि. पुणे) यांनी रांजणगाव MIDC पोलिस स्टेशनला फिर्याद दिली असुन पोलिसांनी तात्काळ आरोपीला अटक केली आहे.

 

रांजणगाव पोलिसांनी दिलेल्या माहितीनुसार फिर्यादी चंद्रकांत शेवाळे यांचा मुलगा सुहास चंद्रकांत शेवाळे (वय ३८) हा दारुच्या नशेत घरी आला. त्याने विनाकारण आईला शिवीगाळ व दमदाटी केली. त्यावेळी वडिलांनी त्याला समजावून सांगण्याचा प्रयत्न केला. मात्र आरोपी सुहास याने संतापाच्या भरात वडिलांनाच शिवीगाळ करत चाकूने हनुवटीवर, गळ्यावर व उजव्या खांद्याजवळ वार करुन गंभीर जखमी केले.

 

या प्रकरणी रांजणगाव MIDC पोलिस स्टेशन येथे तात्काळ गुन्हा दाखल करुन आरोपी मुलाला अटक करण्यात आली आहे. या घटनेचा पुढील अधिक तपास पोलिस हवालदार राजेश ढगे हे करत आहेत. या घटनेमुळे गावात एकच खळबळ उडाली असून, मुलाकडून वडिलांवर झालेल्या दुर्दैवी हल्ल्याची जोरदार चर्चा सुरु आहे.

रांजणगाव पोलिस स्टेशनच्या धाडसी महिला हवालदाराचा पराक्रम; पुरस्थितीत नदी-नाले पार करत आरोपीला पकडले

रांजणगाव MIDC मध्ये अवैध उत्खनन;पंचनामा प्रक्रियेत अनियमितता; महसूल प्रशासनावर प्रश्नचिन्ह…?

शिरुर तालुक्यात पैशांच्या वादातुन तरुणावर दगडफेक; सोन्याची चैन लंपास

शिरुर पोलीसांनी पेट्रोल पंपावर चोरी करणाऱ्या कामगारांना गुजरात मध्ये केले अटक