नागपूर: काँग्रेस विधिमंडळ नेते विजय वडेट्टीवार यांनी सत्ताधारी पक्षाचे आमदार संजय गायकवाड यांच्या कथित धमकीप्रकरणी कठोर कारवाईची मागणी केली आहे. ‘शिवाजी कोण होता’ या पुस्तकाचे प्रकाशक प्रकाश आंबी यांना दिलेली जीवे मारण्याची धमकी ही अभिव्यक्ती स्वातंत्र्यावर थेट आघात असल्याचे त्यांनी म्हटले आहे.
या संदर्भात वडेट्टीवार यांनी राज्याचे मुख्यमंत्री देवेंद्र फडणवीस यांना पत्र लिहून आमदार गायकवाड यांच्यावर तात्काळ गुन्हा दाखल करण्याची मागणी केली आहे. संबंधित ऑडिओ क्लिपमध्ये गायकवाड यांनी आंबी यांना अर्वाच्य भाषेत शिवीगाळ करत गंभीर धमकी दिल्याचा आरोप करण्यात आला आहे.
वडेट्टीवार यांनी म्हटले आहे की, लोकप्रतिनिधी असलेल्या व्यक्तीकडून अशा प्रकारची भाषा वापरणे हे लोकशाहीसाठी धोकादायक आहे. “तुझाही गोविंद पानसरे करतो” अशा शब्दांत दिलेली धमकी ही केवळ एका व्यक्तीपुरती मर्यादित नसून राज्याच्या वैचारिक परंपरेलाच आव्हान देणारी आहे.
तसेच, दिवंगत विचारवंत गोविंद पानसरे यांच्या हत्येचा संदर्भ देणारी भाषा वापरणे गंभीर असल्याचे त्यांनी नमूद केले. राज्यात विचारवंतांच्या हत्यांचा इतिहास लक्षात घेता, प्रकाश आंबी यांच्या जीविताला धोका निर्माण झाला असून त्यांना तातडीने पोलीस संरक्षण देण्याची मागणीही त्यांनी केली आहे.व्हायरल झालेल्या ऑडिओ क्लिपनंतरही शासनाने मौन का बाळगले आहे, असा सवाल उपस्थित करत, गृहखात्याने तात्काळ गुन्हा दाखल करून योग्य ती कारवाई करावी, असे वडेट्टीवार यांनी आपल्या पत्रात नमूद केले आहे.
‘लोकतंत्र बचाव’च्या नावाखाली काँग्रेसकडून लोकशाहीबाबत संभ्रम; व्होट चोरीच्या आरोपांवर पुरावे देण्याचे शिंदेंचे आव्हान ठाणे :…
नांदेडच्या विकासकामांसाठी निधी कमी पडू देणार नाही; १०० बेडचे रुग्णालय २०० बेडचे करण्याचे निर्देश, शेतकऱ्यांना…
रिक्षाचालक ते उपमुख्यमंत्री; संघर्ष, संघटनकौशल्य, लोकसंपर्क आणि विकासाभिमुख वाटचालीचा प्रेरणादायी प्रवास मुंबई: नेतृत्व हे केवळ…
एक आरोपी हरियाणातून, तर दुसरा विश्रांतवाडीतून जेरबंद; ३ लाखांचा मुद्देमाल हस्तगत शिक्रापूर (अक्षय टेमगिरे): शिरूर…
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…