सातारा: ज्येष्ठ काँग्रेस नेते आणि माजी सहकार मंत्री स्वर्गीय विलासराव पाटील उंडाळकर यांच्या नातवावर साताऱ्याच्या कराड तालुक्यातील उंडाळे गावात बिबट्याने हल्ला केला. या हल्ल्यात अधिराज पाटील यांना पायाला दुखापत झाली, मात्र त्यांची प्रकृती स्थिर आहे.
अधिराज पाटील यांचे वडील उदयसिंह पाटील उंडाळकर, जे राष्ट्रवादी काँग्रेस (अजित पवार पक्ष) चे नेते आहेत, येळगाव जिल्हा परिषद गटातून निवडणूक लढवत आहेत. प्रचारासाठी जात असताना, उंडाळे गावात बिबट्याने अधिराज पाटील यांच्यावर अचानक हल्ला चढवला. त्यांच्या सोबत असलेले दुचाकी चालक धनाजी पाटील या देखील थोडक्यात बचावले.
घटना शुक्रवारी रात्री साडेआठ वाजण्याच्या सुमारास उंडाळे–शेवाळवाडी मार्गावर घडली. स्थानिक ग्रामीण रुग्णालयात उपचार सुरु आहेत आणि डॉक्टरांच्या पाहणीनंतर अधिराज पाटील यांची प्रकृती स्थिर असल्याची माहिती मिळाली आहे.
स्थानिकांनी बिबट्यांच्या सततच्या हल्ल्यामुळे अधिक सुरक्षा व्यवस्था करण्याची मागणी केली आहे. मानव-बिबट संघर्ष वाढत चालल्याने ग्रामीण भागातच नव्हे तर शहरी भागातही बिबट्यांचा वावर वाढला आहे. लोकांचा आरोप आहे की अधिवास सोडून बिबट्या गाव आणि शहरांमध्येही दिसत आहेत.याबाबत आता बिबट्यांची नसबंदी करण्याची मागणी जोर धरत आहे, तर वन्यजीवप्रेमी या उपाययोजनेच्या विरोधात आहेत.
शिरूर (तेजस फडके): पुणे-नगर महामार्गावरील कारेगाव (ता. शिरूर) येथील जयश्री फर्निचरच्या बाजूला असलेल्या लॉजिंगमध्ये सुरू…
शिरूर : शिरूर तालुक्यातील करडे घाटात दोन गुन्हेगार गटांच्या वादातून झालेल्या गोळीबारात विशाल सुनील काळे…
मुंबई: राज्याच्या सांस्कृतिक चळवळीला दिशा देणाऱ्या सांस्कृतिक कार्य संचालनालयातील संचालकपद गेल्या दीड महिन्यांपासून रिक्त असल्याने…
पुणे : पुणे शहरातील स्वारगेट एसटी स्थानकाच्या आवारात एका प्रवासी युवतीवर 25 फेब्रुवारी 2025 रोजी…
शिरूर (अरुणकुमार मोटे) : शिरूर तालुक्यातील शिरूर-न्हावरे मार्गावरील करडे घाट परिसर आज (सोमवरा) सायंकाळी पाच…
मंगळवेढा: सातारा येथे झालेल्या ५२ व्या हिंदकेसरी कुस्ती स्पर्धेत मानाचा ‘हिंदकेसरी’ किताब पटकावून मंगळवेढा तालुक्यातील…