Video; महसुल, पोलिस आणि सरपंचाचा बसलाय मेळ त्यामुळे घोड धरणात चाललाय वाळू उपशाचा खेळ

शिंदोडी (तेजस फडके) शिरुर आणि श्रीगोंदा तालुक्यातील शेतीला वरदान ठरलेल्या घोड धरणाला सध्या काही वाळू माफियांची नजर लागली असुन गेल्या सहा महिन्यापासुन या धरणात बेसुमार वाळू उपसा सुरु आहे. परंतु शिरुरचा महसुल विभाग आणि पोलिस मात्र फक्त बघ्याची भुमिका घेत असल्यामुळे वाळू माफिया मुजोर झाले आहेत.

त्यातच आता घोड धरणाच्या कडेला असणाऱ्या एका गावातील  विद्यमान सरपंच महसूल आणि पोलिस प्रशासनाला हाताशी धरुन स्वतःच वाळू चोरी करत असल्याची सगळीकडे दबक्या आवाजात चर्चा सुरु आहे. काही दिवसांपुर्वी याच सरपंच महाशयांनी मुख्यमंत्री तसेच महसुलमंत्री यांना घोड धरणात अवैध वाळू उपसा सुरु असल्याबाबत पत्रव्यवहार करत वाळू उपसा बंद पाडला होता.

त्यानंतर काही दिवसांनी याच महाशयांनी शिरुर तहसिलदार कार्यालयातील महसूल विभागाच्या काही वरिष्ठ अधिकाऱ्यांशी तसेच शिरुर पोलिस स्टेशनच्या काही वरिष्ठ अधिकाऱ्यांशी तसेंच कर्मचाऱ्यांशी संगनमत करत स्वतःच घोड धरणात यांत्रिक बोटीच्या साह्याने वाळू उपसा सुरु केला आहे. त्यामुळे आता जर ‘कुंपणच शेत खायला लागलं तर तक्रार करायची कुणाकडे’ असा प्रश्न सर्वसामान्य नागरिकांना पडला आहे.

सहा महिन्यापुर्वी बीट अधिकाऱ्याची बदली…?

घोड धरण हे निमोणे-निर्वी बीटाच्या परिसरात येते. शिरुर पोलिस स्टेशनच्या वरिष्ठ अधिकाऱ्यांनी वाळू माफियांच्या फायद्यासाठी या भागातील बीट अंमलदारांचे चांगले काम असतानाही काही दिवसांपुर्वी त्याची जाणीवपुर्वक बदली केली आणि त्याच्या जागी स्वतःच्या मर्जीतल्या कर्मचाऱ्याची नेमणूक केली. तसेच नेमलेला मर्जीतला कर्मचारी वरिष्ठ अधिकाऱ्यांना लाखोंचा ‘वाळूचा महसूल’ गोळा करुन देत असल्याचीही दबक्या आवाजात सगळीकडे चर्चा आहे.

महसूल विभागाची कारवाई संशयाच्या भोवऱ्यात…? 

आत्तापर्यंत महसूल विभागाने घोड धरणातील वाळू उपशावर तीन वेळा कारवाई करत जिलेटीनच्या साह्याने यांत्रिक बोटी उध्वस्त केल्या. परंतु त्यानंतर लगेचच आठ दिवसातच वाळू माफियांनी पुन्हा वाळू उपसा चालु केला. त्यामुळे महसूल विभागाने केलेल्या कारवाईवरचं संशय व्यक्त केला जात असुन हि कारवाई म्हणजे फक्त ‘मी मारल्यासारखं करतो, तु रडल्यासारखं कर’ या म्हणीप्रमाणे कारवाईचा फक्त दिखावा केला जातोय का…? असा प्रश्न सर्वसामान्य लोकांना पडला आहे.

(क्रमशः) 

Video; तीन वेळा यांत्रिक बोटी फोडल्या तरीही वाळू माफिया म्हणतात हम नहीं सुधरेंगे…?

Video; घोड धरणात वाळू उपसा करणारी यांत्रिक बोट पुन्हा उध्वस्त, तरीही वाळू उपसा सुरुच

Video; घोड धरण नक्की कुणाच्या मालकीच…? पाटबंधारे खाते, राजकीय नेते की वाळू माफिया…?

Video; शिरुर महसूलचा वाळू माफियांना दणका; ६ बोटी व ८ फायबर जिलेटिनच्या साह्याने उध्वस्त

Video; महसुल दिनाच्या पुर्व संध्येला घोड धरणात महसूलने वाळूमाफियांच्या दोन यांत्रिक बोटी उडवल्या

वाळू तस्करांना दंड नाही तर थेट एफआयआर महसूल विभागाचे नवे परिपत्रक

घोड धरणात वाळूचोरी ११२ ला कॉल अन तब्बल तीन तासात तत्परता दाखवत पोलिस हजर

घोड धरणातील अवैध वाळू उपशावर महसुल आणि पोलिसांची संयुक्त कारवाई

Video: महसूल प्रशासन निवडणुकीत व्यस्त, वाळू माफिया चोरतात वाळू मस्त