भक्तिवेदांत वारकरी संस्थेत पार पडला विवाह सोहळ्यात प्रत्येकाला श्री ज्ञानेश्वरी ग्रंथ भेट…

शिरूरः शिरूर तालुक्यातील खंडाळे गावात असलेल्या भक्तिवेदांत वारकरी संस्थेत नुकसाच एक आगळा-वेगळा विवाह सोहळा संपन्न झाला. विवाह सोहळ्यादरम्यान उपस्थित राहिलेल्या सर्वांना श्री ज्ञानेश्वरी ग्रंथ भेट देण्यात आला. संबंधित विवाह सोहळ्याची परिसरात जोरदार चर्चा सुरू आहे.

खंडाळे गावामधील भक्तिवेदांत वारकरी संस्था येथे नरवडे आणि काळे शुभविवाह संपन्न झाला. या प्रसंगी ह भ प श्री दादाभाऊ नरवडे व ह भ प संतोष महाराज खेडकर यांच्या संकल्पनेतून अनावश्यक सत्कार खर्च टाळून आलेल्या उपस्थितांना श्री ज्ञानेश्वरी ग्रंथ भेट देण्यात आला. वधुराणीला कविताताई संतोष खेडकर (मा. सरपंच खंडाळे) यांनी ग्रंथराज ज्ञानेश्वरी भेट देऊन सन्मानित केले. संपूर्ण ज्ञानेश्वरी पाठ असणारे महात्मे गुरुवर्य ह भ प नंदकिशोर दादा, आळंदी यांच्या हस्ते उपस्थितांना ज्ञानेश्वरी ग्रंथ प्रदान करण्यात आले. यावेळी संत एकनाथ महाराजांचे वंशज ह भ प प योगेश महाराज गोसावी पैठणकर यांनी उपस्थित राहून शुभाशीर्वाद दिले.

विवाह सोहळ्याला सहाशेहून अधिक नागरिक उपस्थित होते. प्रत्येकाला श्री ज्ञानेश्वरी ग्रंथ भेट देण्यात आल्यानंतर अनेकजण भारावून गेले. सहाशे कुटुंबामध्ये श्री ज्ञानेश्वरी ग्रंथ गेल्यामुळे सामाजिक परिवर्तन होण्यास मोठी मदत होणार आहे. समाजात एक चांगल्या प्रकारे सामाजिक आणि धार्मिक संदेश जाईल, असे उपस्थित असलेले संदिप धायबर यांनी सांगितले.

खंडाळे येथे श्री संत एकनाथ महाराज पालखी सोहळा सांगता समारंभ संपन्न!

खंडाळे येथे पालखी सोहळ्याचा सांगता समारंभ; हजारो भाविक सहभागी…

खंडाळे गावच्या सरपंचपदी कविता संतोष खेडकर यांची बिनविरोध निवड

एकनाथ महाराज पायी दिंडी सोहळ्याचे पैठणकडे प्रस्थान!

खंडाळे गावच्या सरपंचपदी कविता संतोष खेडकर यांची बिनविरोध निवड