रांजणगाव गणपती (तेजस फडके): खंडाळे (ता. शिरुर) गावच्या सरपंच पदी कविता संतोष खेडकर यांची बिनविरोध निवड झाली. मावळत्या सरपंच ज्योती मारुती नरवडे यांनी राजीनामा दिल्याने रिक्त झालेल्या पदी कविता खेडकर यांची बिनविरोध निवड झाली.
यावेळी शिरुर-आंबेगाव राष्ट्रवादी काँग्रेस अध्यक्ष मानसिंग पाचुंदकर पाटील, रांजणगाव महागणपती देवस्थान ट्रस्टच्या अध्यक्षा स्वाती पाचुंदकर पाटील, पंचायत समिती सदस्य विक्रम पाचुंदकर पाटील, युवासेना जिल्हाप्रमुख बापूसाहेब शिंदे, घोडगंगा सहकारी साखर कारखान्याचे संचालक विश्वास ढमढेरे, केंदुर गावचे माजी सरपंच सुनील थिटे तसेच खंडाळे गावातील सर्व आजी माजी सरपंच, विकासोचे आजी-माजी अध्यक्ष, ग्रामपंचायत सदस्य व ग्रामस्थ मोठ्या संख्येने उपस्थित होते.
यावेळी बोलताना खंडाळे विकासोचे माजी अध्यक्ष संतोष खेडकर म्हणाले, गावामध्ये खेडकर परिवार मोठ्या संख्येने आहे. गावच्या इतिहासामध्ये पहिल्यांदाच खेडकरांना सरपंच पदासाठी संधी मिळाल्याने खेडकर यांनी गावातील खेडकर परिवाराला प्रथमच संधी दिल्याबद्दल सर्वांचे आभार मानले.
