खंडाळे येथे श्री संत एकनाथ महाराज पालखी सोहळा सांगता समारंभ संपन्न!

रांजणगाव गणपती: खंडाळे (ता. शिरूर) येथे श्री शांतीब्रह्म श्री संत एकनाथ महाराज पालखी सोहळा सांगता समारंभ संपन्न झाला. भक्तिवेदांत वारकरी शिक्षण संस्था खंडाळे / रांजणगाव गणपती यांच्या पालखी सोहळ्यास संत एकनाथ महाराज संस्थांन पैठण च्या वतीने पैठणचे मानाचे फडकरी म्हणून घोषणा करण्यात आली.

खंडाळे येथे आज (शनिवार) सकाळी 9 ते 11 यावेळी मध्ये पालखी सोहळा सांगता समारंभ प्रसंगी संत एकनाथ महाराजांचे १२ वे वंशज ह भ प श्री योगेश महाराज गोसावी पैठणकर (पालखीवाले) यांचे कीर्तन संपन्न झाले. याप्रसंगी खंडाळे, रांजणगाव गणपती, पिंपरी दुमाला, वाघाळे, हिवरे कुंभार पंचक्रोशी आणि शिरूर, श्रीगोंदा, पारनेर, दौंड, हवेली, जुन्नर ,आंबेगाव, खेड या तालुक्यांमधील भाविक-वारकरी बहुसंख्येने उपस्थित होते.

भक्तिवेदांत वारकरी शिक्षण संस्था, श्री क्षेत्र खंडाळे/रांजणगाव गणपती येथून दरवर्षी श्री क्षेत्र पैठण येथे संत एकनाथ महाराजांच्या संजीवन समाधी सोहळ्यासाठी (नाथषष्ठी वारी) शांतीब्रह्म श्री संत एकनाथ महाराज पालखी सोहळा या नावाने ह भ प संतोष महाराज खेडकर यांच्या नेतृत्वाखाली १३ दिवस पायी वारी दिंडी सोहळा जात असतो. पालखी सोहळ्या सोबत शेकडो वारकरी पायी जातात. संत एकनाथ महाराज यांच्याकडे जाणारा पुणे जिल्ह्यातील मोठा सोहळा व सर्व सोहळ्यातील विश्वस्त मंडळ यांची संत एकनाथ महाराजांच्या विषयी असलेली श्रद्धा व सोहळ्याचे नियोजन पाहून संत एकनाथ महाराज संस्थान पैठण च्या वतीने संत एकनाथ महाराजांचे १२ वे वंशज ह भ प श्री योगेश महाराज गोसावी यांनी भक्तिवेदांत वारकरी शिक्षण संस्था – ह भ प श्री संतोष महाराज खेडकर यांच्या पालखी सोहळ्याच्या फडास संत एकनाथ महाराज संस्थान पैठण च्या वतीने पैठणच्या षष्ठीच्या वारीचे संस्थांनचे मानाचे फडकरी म्हणून नामांकन करून गौरव करण्यात आला. दरवर्षी या फडास पैठणमध्ये नाथ षष्ठी उत्सवामध्ये पारंपारिक फडकऱ्यांच्या सोबत विशेष सन्मान देण्यात येणार आहे. पालखी सोहळ्याच्या सर्व विश्वस्त व वारकऱ्यांना या यामुळे विशेष आनंद झाला. सर्वांनी टाळ्या वाजवून जोरदार स्वागत केले व आनंदोत्सव साजरा केला.

खंडाळे येथे पालखी सोहळ्याचा सांगता समारंभ; हजारो भाविक सहभागी…

खंडाळे गावच्या सरपंचपदी कविता संतोष खेडकर यांची बिनविरोध निवड

शिरुर येथील रामलिंग तसेच देव्हडेश्वर आषाढी पायी दिंडी सोहळ्याचे प्रस्थान; महिलांचा उत्स्फूर्त प्रतिसाद

एकनाथ महाराज पायी दिंडी सोहळ्याचे पैठणकडे प्रस्थान!

वाघाळे गावातून वाघेश्वर दिंडीचे भक्तिमय वातावरणात आळंदीकडे प्रस्थान…