वाघोलीत लग्नसमारंभादरम्यान नवरीसोबतच झालं मोठं कांड…

शिरूर : वाघोलीतील एका प्रसिद्ध बँक्वेट हॉलमध्ये १४ मे रोजी अक्षता पडण्याची वेळ जवळ येत असल्याने नवरी मुलगी मेकअप रूममध्ये लग्नासाठी तयार होत होती. अक्षता पडल्या, विवाह सोहळा थाटामाटात पार पडला. पण, ऐन लग्नाच्या दिवशी गर्दीचा फायदा उठवून तीन संशयित महिलांनी नवरीच्याच खोलीत शिरून एक भयंकर कांड घडवून आणले होते. ज्यामुळे नवरीच्या आनंदाचे रूपांतर क्षणात अश्रूंमध्ये झाले.

मिळालेल्या माहितीनुसार, हा सर्व धक्कादायक प्रकार वाघोली येथील ‘श्रेयस बँक्वेट हॉल’मध्ये घडला आहे. लग्नाची गडबड सुरू असताना दोन अल्पवयीन मुलींसह तीन संशयित महिला पाहुण्यांच्या गर्दीत मिसळल्या. कोणालाही संशय येणार नाही अशा बेताने त्यांनी थेट वधूच्या खोलीत प्रवेश केला. खोलीत कोणीही नसल्याचे आणि सगळे लग्नात व्यस्त असल्याची संधी साधून त्यांनी वधूच्या पर्समध्ये ठेवलेले सव्वा लाख रुपये किमतीचे सोन्याचे दागिने शिताफीने लंपास केले आणि तिथून पळ काढला.

लग्नाचा सोहळा आटोपल्यानंतर दागिन्यांची चोरी झाल्याचे वधूच्या कुटुंबीयांच्या लक्षात आले. चोरीच्या या घटनेमुळे लग्नघरातील आनंद क्षणात चिंतेत बदलला. याप्रकरणी वाघोली पोलीस ठाण्यात धाव घेत तक्रार दाखल केली आहे.

पोलीसांनी या प्रकरणी दोन अल्पवयीन मुलींसह तीन संशयित महिलांविरुद्ध गुन्हा दाखल केला आहे. लग्नघरातील आणि परिसरातील सीसीटीव्ही फुटेजच्या आधारे वाघोली पोलीस या ‘लेडीज गँग’चा कसून शोध घेत आहेत.

शिरुर तालुक्यात उच्चशिक्षित नवरीची ताशांच्या गजरात घोड्यावरुन आगळी वेगळी मिरवणुक

शिरुर तालुक्यात लग्नाच्या मध्यरात्रीच दागिन्यांसह नवरीने ठोकली धूम…

Video: नवरीने घातला हार अन् नवरदेवाची उतरली पॅन्ट…

शिरूर तालुक्यातून नवरीने लग्नानंतर ठोकली धूम…

Video: नवरा बसला बोलत अन् प्रियकराने पळवले नवरीला…