Portrait of a leopard (Panthera pardus), Sabie-Sand nature reserve, South Africa?
शिरूर (सुनिल जिते) : शिरूर तालुक्यातील पिंपरखेड (आंबेवाडी) येथे रविवारी (ता. २) दुपारी बिबट्याच्या हल्ल्यात रोहन विलास बोंबे (वय १३) या मुलाचा दुर्दैवी मृत्यू झाला. यामुळे परिसरात मोठी खळबळ उडाली होती. तातडीची उपाययोजना म्हणून प्रधान मुख्य वनसंरक्षकांनी संबंधित बिबट्याला ठार मारण्याची परवानगी दिली आहे.
मिळालेल्या माहितीनुसार, रोहन घराजवळील मोकळ्या शेतात खेळत असताना हत्तीगवतात दबा धरून बसलेल्या बिबट्याने अचानक झडप घालून त्याला ऊसाच्या शेतात ओढत नेले. काही वेळातच मुलगा बेपत्ता झाल्याचे लक्षात येताच आई-वडिलांनी आणि ग्रामस्थांनी शोधमोहीम सुरू केली. तरुणांनी आरडाओरड करत ऊसाच्या शेतात शोध घेतला असता, रोहन मृतावस्थेत आढळून आला. या हृदयद्रावक घटनेनंतर ग्रामस्थांचा संताप अनावर झाला. संतप्त जमावाने वनविभागाच्या गाडीची तोडफोड करून ती पेटवून दिली. घटनास्थळी तणावपूर्ण वातावरण निर्माण झाले होते.
दरम्यान, तातडीची उपाययोजना म्हणून प्रधान मुख्य वनसंरक्षकांनी संबंधित बिबट्याला ठार मारण्याची परवानगी दिली आहे. या आदेशानुसार शार्प शूटरची विशेष टीम घटनास्थळी रवाना झाली असून ती सकाळी 9 वाजता घटनास्थळी पोहोचून पुढील कारवाई करणार आहे. सध्या परिसरात २५ पिंजरे, १० ट्रॅप कॅमेरे बसविण्यात येणार असून ड्रोनच्या साहाय्याने परिसराची टेहळणी सुरू होणार आहे. जनजागृतीचे कार्यक्रमही वनविभागाद्वारे राबविण्यात येणार आहेत.
सदर मोहिमेचे मार्गदर्शन वनसंरक्षक आशिष ठाकरे आणि जुन्नर वनविभागाचे उपवनसंरक्षक प्रशांत खाडे यांच्या मार्गदर्शनाखाली सहा. वनसंरक्षक स्मिता राजहंस, अमृत शिंदे, वनपरिक्षेत्र अधिकारी निळकंठ गव्हाणे व त्यांच्या टीमकडून केले जाणार आहे.गेल्या काही दिवसांपासून पिंपरखेड व जांबुत परिसरात बिबट्याची दहशत माजली आहे. अवघ्या वीस दिवसांपूर्वी पिंपरखेड येथीलच साडेपाच वर्षीय शिवन्या शैलेश बोंबे हिचाही बिबट्याच्या हल्ल्यात मृत्यू झाला होता. त्या घटनेच्या जखमा अजूनही ताज्या असताना आणखी एका चिमुकल्याचा बळी गेल्याने गावात भीतीचे आणि संतापाचे वातावरण निर्माण झाले आहे. ग्रामस्थांचा आरोप आहे की, मागील दोन घटनांनंतरही वनविभागाकडून ठोस उपाययोजना करण्यात आलेली नाही. परिणामी, आज पुन्हा एका निष्पाप मुलाचा जीव गेला असून ग्रामस्थांनी वनविभागाकडून तातडीने निर्णायक कारवाईची मागणी केली आहे.
शिरूर तालुक्यात बिबट्याच्या हल्ल्यात मुलाचा मृत्यू; वीस दिवसांत तिसरी घटना…
शिरूर तालुक्यात बिबट्याचा दहशतीचा कहर कायम; आठ दिवसांत दुसरा बळी…
शिरुर तालुक्यात भरदिवसा बिबट्याचा हल्ला; साडेपाच वर्षाच्या चिमुकलीचा दुर्दैवी मृत्यू
Video; शिरुर तालुक्यात शेतकऱ्यांवर दुहेरी संकट; एकीकडे बिबटया तर दुसरीकडे केबल चोरी
रांजणगाव गणपती (तेजस फडके) रस्त्याच्या मध्यभागी उभी केलेली दुचाकी बाजूला घेण्यास सांगितल्याच्या कारणावरुन काही गुंड…
पुणे: राष्ट्रवादी काँग्रेसचे युवा नेते जय अजितदादा पवार यांनी आज पुण्यातील सीआयडी कार्यालयात संबंधित अधिकाऱ्यांची…
‘विकासाला विरोध नाही, विनाशाला विरोध’; कर्जत-भीमाशंकरमधील वृक्षतोडीची उद्या सपकाळ करणार पाहणी मुंबई: कर्जत-भीमाशंकर परिसरात प्रस्तावित…
सुनेत्रा पवारांकडून नियुक्त्यांची घोषणा; पार्थ पवारांच्या उपस्थितीत नियुक्तीपत्र प्रदान मुंबई : राष्ट्रवादी काँग्रेस पक्षात महत्त्वाच्या संघटनात्मक…
गडचिरोली : प्रस्तावित विमानतळासाठी शेतकऱ्यांच्या सुपीक जमिनींचे अधिग्रहण करण्यास विरोध करत काँग्रेसचे विधिमंडळ नेते विजय…
शिरूर (तेजस फडके) : शिरूर तालुक्यात सामाईक विहिरीवरील पाण्याची मोटार बंद केल्याचा जाब विचारणे आणि…