शिक्रापूर: जातेगाव बुद्रुक (ता. शिरूर) येथील साखर कारखान्यासमोर उभा केलेला ट्रॅक्टर पैशाच्या वादातून चोरून नेल्याची घटना घडली असून, या प्रकरणी शिक्रापूर पोलिसांनी युवराज माणिक राठोड याच्या विरुद्ध चोरीचा गुन्हा दाखल केला आहे.
अनिल बाजीराव पवार हे आपला एम एच १६ बि एम ४३६२ क्रमांकाचा ट्रॅक्टर कारखान्यासमोरील एका हॉटेलजवळ लावून जेवण करण्यासाठी गेले होते. त्यावेळी युवराज राठोड तिथे आला आणि त्याने अनिल यांच्याकडे पैशांची मागणी केली. अनिल यांनी आपले सर्व पैसे आधीच दिलेले असल्याचे त्याला सांगितले. यानंतर अनिल जेवण करून बाहेर आले असता त्यांना आपला ट्रॅक्टर जागेवर नसल्याचे दिसून आले. त्यांनी परिसरात शोध घेतला असता युवराज तिथेच रस्त्याच्या कडेला उभा होता. त्याला ट्रॅक्टरबाबत विचारले असता, तुझा ट्रॅक्टर चोरला आहे, तुला काय करायचे ते कर, असे उद्धट उत्तर देऊन तो निघून गेला.
याप्रकरणी अनिल बाजीराव पवार (वय ३५, सध्या रा. घोलपवाडी, ता. शिरूर, मूळ रा. बीड) यांनी दिलेल्या फिर्यादीवरून शिक्रापूर पोलिसांनी युवराज माणिक राठोड (रा. खांडवी, ता. गेवराई, जि. बीड) याच्या विरोधात गुन्हा नोंदवला आहे. ट्रॅक्टरचा शोध घेण्यासाठी पोलीस हवालदार अजित इंगवले पुढील तपास करत आहेत.
View this post on Instagram
शिरूर तालुक्यातील त्या बहुचर्चित ड्रग्स प्रकरणातील एकूण पाच आरोपी गजाआड
शिरूर तालुक्यात ‘तुला संपवतो, स्लॅबखाली टाकून देतो’, असे म्हणत गजाने केला हल्ला…
शिरूर तालुक्यात फायनान्सच्या हप्त्यावरून युवकाच्या डोक्यात फोडली बाटली…
शिरूर तालुक्यात वाढती गुन्हेगारी चिंताजनक; ‘सिंघम’ पोलिस अधिकाऱ्याची गरज…
